Чувајте се, следи астролошки ролеркостер: Астероидот Веста во знакот на Рак до 11-ти август

Детали

четврток, 25 јуни 2020

Еден од главните астероиди во астрологијата - Веста, влезе во знакот на Рак и ќе се задржи таму до 11-ти август. Што значи ова?

Во астрологијата, Веста претставува сексуалност, морал, трпение, предност, обврски и животна цел.

Во знакот на Рак се однесува на посветеност на семејството, голема чувствителност, жртвување за други, компромис и преданост.

Најважната лекција која ќе ја научиме овој период е дека иако е нормално да се грижиме за своите блиски, не треба да се жртвуваме себеси и својот живот за време на овој процес.

Треба да очекуваме бројни предизвици и потешкотии со семејството, во домот и во емотивните односи.

Транзитната Веста ќе има влијание и на донесените одлуки на поле љубов кај сите знаци.

Во овој период најважно е да ги анализирате своите емоции. Ако се двоумите за вашите чувства и врска, ќе бидете ставени пред предизвик да мора да бидете искрени.

Како што ќе минуваат деновите, ќе имате огромна потреба да го правите среќен партнерот за сметка на сопствените потреби. На тој начин ќе ги избегнете препреките и кавгите, но во исто време ќе ги криете и своите чувства, а соништата ќе ги ставите „под тепих“.

Иако ова ви изгледа на логичен пристап кон ситуацијата, на долг рок, нема да заврши добро. Кога се обидуваме да ги потиснеме емоциите, ова секогаш завршува негативно за нашето тело.

За да го извлечете најдоброто од овој период, важно е да бидете искрени и да верувате дека постои причина зошто ова ви се случува токму вам. Соочете се со проблемите – доволно беше бегање. 

Е. П. | Црнобело