Јапонец 30 години живее сам на изолиран остров, гол и јаде само ориз - не можел да се снајде во цивилизација

Масафуми (86) од Јапонија поминал 30 години од животот сам, на изолиран јапонски остров, пред властите да го присилат да се врти во цивилизацијата во 2018-та. Сега конечно добил дозвола да се врати назад на островот.

japonec-30-godini-zhiveel-sam-na-izoliran-ostrov-vlastite-prisilno-go-odnele-vo-civilizacija-no-sega-mu-dozvolile-da-se-vrati-foto-01.jpg

Масафуми Нагасаки од Јапонија го привлече вниманието на јавноста во 2018 година кога јапонските власти го натераа да се врати во цивилизацијата откако поминал 30 години изолиран на остров.

Масафуми има 86 години и 30 години од животот поминал сам на јапонскиот остров Сотобанари. Ова е изолиран остров и ретко кој го посетува, најмногу поради силните морски струи во неговата околина.

japonec-30-godini-zhiveel-sam-na-izoliran-ostrov-vlastite-prisilno-go-odnele-vo-civilizacija-no-sega-mu-dozvolile-da-se-vrati-foto-07.jpg

Старецот бил „откриен“ од Алваро Черезо – авантурист кој патува низ светот и бара изолирани дестинации за патување. Во 2014-та тој ги истражувал изолираните острови на Јапонија, вклучувајќи го и оној на Масафуми.

„Поминав неколку дена на островот со него во 2014-та и дознав многу за неговиот начин на живот. Тогаш не го споделив интервјуто што го снимавме бидејќи ја почитував неговата приватност. Дури во 2018-та ја споделив неговата приказна, откако дознав дека бил присилен да го напушти островот“, вели Алваро.

japonec-30-godini-zhiveel-sam-na-izoliran-ostrov-vlastite-prisilno-go-odnele-vo-civilizacija-no-sega-mu-dozvolile-da-se-vrati-foto-05.jpg

Алваро го објавил интервјуто со надеж дека ќе му помогне на старецот да се врати на островот.

„Постојано ми велеше дека сака да умре на островот, па му беше тешко кога дозна дека ќе мора да го напушти“.

japonec-30-godini-zhiveel-sam-na-izoliran-ostrov-vlastite-prisilno-go-odnele-vo-civilizacija-no-sega-mu-dozvolile-da-se-vrati-foto-04.jpg

Според Алваро, оние што го пријавиле старецот кај властите мислеле дека е болен и дека итно му е потребна медицинска помош.

„Буквално го избркаа од островот. Некој го видел и му се чинело дека е болен. Се јавил во полиција, па го вратија во цивилизацијата. Масафуми не можеше ни да се спротивстави бидејќи беше слаб.

Јас мислам дека неговото здравје беше во ред, можеби имаше само настинка. Но, не му дозволуваа да се врати на островот“, изјави тогаш Алваро.

japonec-30-godini-zhiveel-sam-na-izoliran-ostrov-vlastite-prisilno-go-odnele-vo-civilizacija-no-sega-mu-dozvolile-da-se-vrati-foto-06.jpg

Алваро веднаш сфатил дека на старецот воопшто не му годи животот во цивилизацијата и сега конечно неговите напори се покажале како успешни – Масафуми добил дозвола да се врати на неговиот остров и сега повторно се наоѓа таму.

„Му беше многу тешко во цивилизацијата. Па, беше прекрасно кога успеавме да го вратиме. Три недели се состанував со лекари и локалните власти и конечно се согласија да го вратиме на островот. Штом му кажавме на Масафуми, скокаше од радост и се расплака од среќа. Беше радосен како мало дете кога дозна дека ќе се врати“.

japonec-30-godini-zhiveel-sam-na-izoliran-ostrov-vlastite-prisilno-go-odnele-vo-civilizacija-no-sega-mu-dozvolile-da-se-vrati-foto-09.jpg

Алваро вели дека брзиот начин на живот во Јапонија може да биде тежок за сите, особено за личност која е навикната на слобода каква што нуди островот на Масафуми. Истовремено, старецот не бил добро прифатен од локалците.

„Во општество како јапонското, ретко кој може да го разбере начинот на живот на Масафуми и неговата желба да живее гол на остров. Поради тоа, многу луѓе од неговото соседство го гледаа со презир и малку страв. Па, поголемиот дел од времето тој го минуваше криејќи се во неговата соба.

Кога се чувствуваше премногу заробено во собата, одеше да собира ѓубре од улицата бидејќи беше ужаснат од загадувањето и отпадот што го прават луѓето“.

japonec-30-godini-zhiveel-sam-na-izoliran-ostrov-vlastite-prisilno-go-odnele-vo-civilizacija-no-sega-mu-dozvolile-da-se-vrati-foto-10.jpg

Пред околу една деценија, Масафуми бил интервјуиран и од новинар на Reuters и тогаш открил некои детали од неговиот живот.

„Не го правам она што ми го налага општеството, туку ги следам правилата на природниот свет. Не можете да ја победите природата, па затоа треба да ѝ се потчинете. Тоа го научив кога дојдов овде“, изјавил тогаш Масафуми.

japonec-30-godini-zhiveel-sam-na-izoliran-ostrov-vlastite-prisilno-go-odnele-vo-civilizacija-no-sega-mu-dozvolile-da-se-vrati-foto-03.jpg

Според Reuters, најголемиот дел од времето тој го минувал без облека, а еднаш неделно одел до мало населено место во близина на островот каде што купувал малку храна и вода.

Тој одбивал да јаде месо и риба, па на островот исхраната му се состоела главно од ориз.

japonec-30-godini-zhiveel-sam-na-izoliran-ostrov-vlastite-prisilno-go-odnele-vo-civilizacija-no-sega-mu-dozvolile-da-se-vrati-foto-02.jpg

Масафуми не сакал да открие детали од неговото минато вклучувајќи и зошто одлучил да ја напушти цивилизацијата. Но, вели дека островот е местото на коешто сака да умре.

„Важно е да си најдете место на коешто сакате да умрете, а јас одлучив дека за мене островот е тоа место“.

japonec-30-godini-zhiveel-sam-na-izoliran-ostrov-vlastite-prisilno-go-odnele-vo-civilizacija-no-sega-mu-dozvolile-da-se-vrati-foto-08.jpg

Спирова С. | Црнобело

Би можело да ве интересира:

Тони отпад, скапи намирници: 18 факти за лошата страна на животот на Малдиви Малдиви е на прво место по бројот на разводи во светот, затоа што мажите може ед...
Влага на мебелот, лебарки: 16 факти за лошата страна на животот на Бали Од мајмуни што крадат до активен вулкан и можност за цунами, кои се негативните ...
„Луда среќа“: Маж од Њујорк вторпат во 3 години освојува 10 милиони долари на грепки - парите ги дон... За некои луѓе добивките на лото се нешто неверојатно, но овој маж од Њујорк најв...

Најчитани неделава

sonovnik-sidebar.jpg