Од саботата популарниот македонски пејач и актер Влатко Илиевски е во друштво на светските ѕвезди Кејт Мос, Ева Мендез, Скарлет Јохансон...

...Зои Салдана кои се заштитни лица на брендот Келвин Клајн. Лежерната и софистицирана појава на Влатко, според  ексклузивниот застапник за накитот и часовниците Келвин Клајн во Македонија – компанијата „Божиновски часовници и накит“, совршено се вклопува во она што го претставува овој бренд во глобални рамки, па токму затоа тој беше избран за прво заштитно лице на Келвин Клајн за Македонија.

 - Чест е да се  биде првото заштитно лице за Македонија на еден ваков, планетарано познат, ултра моќен моден бренд. Ретко кој може да остане рамнодушен на префинетите линии на накитот и часовниците Келвин Клајн. На мое задоволство тие од сега ќе бидат дел од моето секојдневие и мојот имиџ - изјави Влатко по завршувањето на перформансот на кој беше презентирана најновата колекција на накит и часовници 2011-2012 од овој бренд.

Атрактивниот манекен кој беше единствениот маж во шоуто насловено „Страста со Келвин Клајн е романса што трае цел живот“  го претставуваше самиот Келвин Клајн кој ги заведе седумте женски музи со врвниот дизајн на неговите најнови модели на часовници и накит. Несекојдневниот перформанс кој беше проследен со гласот на Влатко Илиевски во позадина, предизвика голем интерес кај посетителите на годинешниов „Саем на жената“ што се одржа во Метрополис Арена во Скопје.