Macedonian Youth to Business Forum

На 30-ти ноември, 2011 година, среда, Економскиот факултет-Скопје, Универзитет „Св.Кирил и Методиј“ во Скопје, ќе биде домаќин на настанот...

...насловен како „Macedonian Youth to Business Forum“.

Овој Форум претставува единствен настан од овој вид во земјава, кој има за цел да ги поврзе младите лидери (во овој случај студентите) и глобалните бизнис лидери во општеството во насока на продлабочување на знаењата од сферата на образованието, лидерството и иновациите, како и влијанието кое истите би го имале во и врз светот преку своето позитивно делување. Секоја од горенаведените три теми ќе биде предмет на обработка во рамки на Форумот.

Од аспект на корисноста, овој „Macedonian Youth to Business Forum“ претставува извонредна можност за интеракција помеѓу студентите од една страна и компаниите од друга страна, со цел водење на отворен дијалог и дискусија на теми значајни за младите талентирани луѓе од Македонија. На тој начин, не само што Форумот ќе даде иницијативна можност за надминување на јазот меѓу младите и бизнис заедницата, туку истиот ќе создаде модели и ќе дефинира начини како комуникацијата меѓу овие два ентитети би се продоложила и во иднина.

За таа цел, сите сознанија и заклучоци до кои ќе се дојде на Форумот, понатаму ќе бидат дистрибуирани до пошироката јавност и заинтересираните страни. Ова би резултирало во подигање на свеста во јавноста за постоењето и влијанието на некои од глобалните трендови.

„Macedonian Youth to Business Forum“ е во организација на АИЕСЕК и Економскиот факултет-Скопје, Универзитет „Св.Кирил и Методиј“ во Скопје.

Повеќе информации и регистрација на Фејсбук фан страната: https://www.facebook.com/youthtobusiness