Пристигнуваат и автомобили со екран на допир

Автомобилската индустрија би можела да тргне во потполно нов, револуционерен пат, откако Тојота го претстави дизајнот заради кои класичните...

...автомобилски каросерии може да станат минато.

Fun-Vii, скратено од "vehicle interactive internet", е концепт на автомобил чија каросерија е направена од интерактивни плочи чувствителни на допир, што овозможува комплетна промена на изгледот на автомобилот.

На интерактивните плочи можете да сурфате и на интернет. Освен тоа, автомобилот може да го поздрави сопственикот со порака по желба.

„Автомобилите мора да се прилагодат на нашите емоции. Ако не се забавни, тогаш тие не се автомобили“ – изјавил претседателот на Тојота, Акио Тојода.

Јапонскиот производител засега не планира да го стави овој концепт во производство, но напоменува дека ова е пример на технологија која Тојота би можела да ја вклучи во идните модели.