Предновогодишната магија е на „прагот“

Колку и да ви звучи неверојатно, оваа година за прв пат ќе имате можност да ја дочекате „Новата година“ на Марс, Венера и на Земјата, истовремено!

Барем виртуелно. Многу наскоро, Универзална сала и Македонскиот народен театар (МНТ) започнуваат најголем проект годинава, наменет за сите деца од четири од 14 години, но и за сите оние кои за момент сакаат да се почувствуваат како мали деца.

Од 18 до 26 декември, неколку пати на ден ќе имате ексклузивна можност да уживате во виртуелна прошетка, заедно со Дедо Мраз, Меглена, Паскал Џиниус, Вера - венера, Роботко и многу други ликови.

Вселенскиот брод „полетува и слетува“ во Универзална сала. Друштво во него ќе ви прави проверената екипа од МНТ: Дарија и Магдалена Ризови, Томе Витанов, Трајче Ѓоргиев, Александар Микиќ и многу други.

Претставата е работена според драмата за деца „Мали сонца“ на Љупчо Стојановски, кој е автор и на музиката за претставата. Режијата и текстот се на Снежана Коневска- Руси, додека визуелизацијата ја изработија Бојан Трифуновски и Елена Максимовска.

Претставата претставува нежна и визуелно привлечна приказна, која преку мешање на медиумите на театарот, видеото, музичките интервенции и анимацијата, на магичен, за децата досега невиден начин ќе ја илустрира оваа приказна за победата на доброто во секој човек.

Забавата ќе трае 60 минути, а во неа ќе има пеење во живо, видео и компјутерски генерирани анимации и раскошни костими. Билети за незаборавното патување на Марс можете да набавите на билетарата на Универзална сала, МНТ и www.kupikartizase.com.

Повеќе детали за претставата, слободните термини и цената на билетите може да добиете во:

• Универзална сала 02/ 3245- 615, Оваа е-адреса е заштитена од спамботови. Треба да ви е овозможено JavaScript за да ја видите.
• МНТ Маркетинг 02/ 3230- 304

Следете нè внимателно на нашата Фејсбук страна, ќе доделуваме гратис карти за оваа претстава!