Најскапите новогодишни елки

Елки од чисто злато, дијаманти, накит, сваровски кристали, а и највисоката чоколадна елка на светот! Елко, елко, порасни уште две-три милиончиња...

Чоколадна елка висока 10 метри, а тешка дури 4 тона! Талентираниот Patrick Roger и неговиот тим на ова слатко ремек дело работеле цел месец, а елката изложена лани во Париз била дел од хуманитарна аукција. Се разбира дека се продавала „на парче“ :) 

Како изгледаат три тона дијаманти? Високи се 6 метри, а „тешки“ над милион долари! Првата дијамантска елка во светот никна во Сингапур во 2006 година, а ја смислија во Soo Kee Jewellery. Сигурно имале вишок 21.798 дијаманти при рака...

Убавкото сјајно дрвце на Гинза Танака е високо само 2,4 метри, но тежи 12 килограми и вреди 2 милиони долари. Токиската златара веќе направи златно дрвце за $850.000 долари во 2006 година, но се надмина со новата елка од чисто злато која ја красат околу 60 срциња.

На 16 декемри 2010 година во луксузниот хотел Emirates Palace во Абу Даби светна новогодишна елка висока 13 метри украсена со накит од Style Gallery вреден 11 милиони долари. 

Елката со златни и сребрени панделки и околу 180 „лампиони“ од дијаманти, сафири, бисери, смарагди и рубини не е првиот екстравагантен примерок во хотелот со седум ѕвзеди. 

Хотелот е гинисов рекордер за најскап послужен пијалок, чашка коњак вредна $2000 долари, а овде може да се најде и автомат за злато! Самата машина е прекриена со 24 каратно злато, а ако итно ви затреба вади златни монети и златни прачки од 1, 5, 10 и 30 грама!

Празничната атмосфера во Берлин во 2006 година беше збогатена со елка прекриена со дури 40 000 сваровски кристали. Се прашуваме колку време им требало за откитување...

Сваровски кристалите се популарен новогодишен избор, па лани и Хонг Конг доби своја скапоцена елка висока 30 метри и украсена со повеќе од 20 милиони кристали! А за уште посјаен спектакл фонтаната пред оваа елка прскаше вода и до 6 метри во височина.

Сваровски елката во луксузната област Omotesando Hills во Токио e составена од 250.000 декоративни сваровски кристали и висока 8 метри.

А годинава гатанката што светка и стои на врвот иако тежи 250 килограми ја реши актерката Оливија Вајлд. Нејзе и` припадна честа да ја открие сваровски ѕвездата за елката пред центарот Рокфелер во Њујорк.

Ако може Swarovski, зошто не и Tiffany? Накитена со украси специјално дизајнирани за оваа прилика и осветлена со повеќе од 100 000 сијалички во 2010 година во Милано се крена елката висока 48 метри и вредна 450 000 долари.

Под неа е и продавицата на Tiffany сместена во објект налик на нивните препознатливи кутивчиња за накит.

Каква елка треба да се направи за на светот да му се привлече внимание кон празнувањето во Македонија?

З.П. | Црнобело

Би можело да ве интересира:

7 токсични однесувања кои (за жал) се сметаат за нормални Ги омаловажувaат другите на социјалните мрежи само за да добиjат некој лајк плус...

Милијардери кои не успеаја да си ја купат слободата и завршија во затвор Елизабет Холмс ја споредуваа со Стив Џобс и таа беше прогласена за најмладата же...

Како да препознаете дали облеката што ја купувате е квалитетна (без разлика на цената)? Обрнете внимание на мирисот – ако облеката мириса чудно, дури и како некое хемис...

Најстрашните киднапирања некогаш - Ја држел затворена во ковчег 7 години, а таа го обожавала Киднапирана девојка била чувана во ковчег по 23 часа дневно, друга во подрум врз...

Лоши навики со кои ги оттргнувате луѓето од вас (и ќе останете без пријатели) Откажувате планови во последен момент, ги бомбардирате со пораки, ги прекинувате...

9 работи во домот кои будат носталгија, но сепак е време да ги фрлите Стари тегли во кои вашите баби чувале зимница, весници од пред неколку години, п...