Животниот пекол на зависник од кока-кола
Британецот Дарен Џонс кој неделно пие 42 литри кока кола, го открива сиот ужас на оваа своја необична зависност. Овој 38 годишен татко на две деца...
...не е ниту наркоман, ниту алкохоличар, па ниту пушач. Негова слаба точка е диеталната кока кола.
Дарен во просек пие 18 лименки кока кола дневно, што годишно го чини околу 3.500 евра. Во изминатите неколку години неговата состојба е толку влошена, што сега веќе не може да излезе од дома без шише кока кола. Доколку не ја испие својата дневна доза, станува многу нервозен и раздразлив.
Дарен, кој заради својата лоша навика тежи преку 220 килограми, сака да се обиде да се ослободи од оваа зависност која пречи не само на неговото здравје, туку и на неговиот брак.
„Мислам дека сум вистински зависник. Се плашам дека набрзо ќе го допрам дното. Кога немам кока кола почнува да ме фаќа паника. Тоа е како со дрогата или алкохолот“ – изјавил за "Miror".
„Кога се јавив во „Кока кола“ да ги прашам за совет, ми рекоа да ја разредам со вода, но вкусот беше грозен, а и не верувам дека ова би ми помогнало“ – раскажува Дарен чија цел е да оди во рехабилитационен центар за да се излечи од оваа зависност, но и на детоксикација.
И покрај тоа што има испиено огромни количини на кока кола, Дарен тврди дека е здрав.
Меѓутоа, докторите предупредуваат дека диеталната кока кола има вештачки засладувачи и кофеин чие зголемено консумирање може да доведе до сериозни здравствени проблеми.
Би можело да ве интересира:
Препорачуваме
Најчитани неделава
