Кога би имале шанса да се родите од почеток...

Постои една мудра поговорка за која не тврдиме дали е вистинита или не – ваше е дали ќе одберете да го живеете животот според неа или спротивно.

„Подобро е да жалите за работите кои сте ги направиле во животот, отколку да жалите за оние кои не сте ги направиле“.

Ерма Бомбек е американска писателка која ја загуби битката со болеста.

Но, ова е нејзиното размислување:

„Кога би можела да живеам повторно...“

Би останала во кревет кога сум болна, наместо да се преправам дека Земјата ќе престане да се движи ако не сум јас присутна.

Би ја запалила црвената свеќа направена во форма на ружа пред да се стопи во шпајзот од топлото.

Помалку би зборувала и повеќе би слушала.

Би ги повикала пријателите на вечера дури и ако е тепихот исфлекан или каучот избледен.

Би јадела пуканки во дневната соба и помалку би се грижела за нечистотијата ако сакаме да го запалиме каминот.

Би одвоила време за да го ислушам дедо ми и лутањето низ неговата младост.

Никогаш не би инсистирала прозорите во автомобилот да бидат затворени сред лето само за мојата коса да остане исфризирана и уредена.

Би седела на тревата (без оглед на дамките).

Помалку би плачела и би се смеела пред телевизорот, а повеќе набљудувајќи го животот.

Никогаш не би купила нешто само затоа што е практично и затоа што има доживотна гаранција.

Наместо да сакам што побргу да поминат деветте месеци бременост, би го ценела секој момент и би сфатила дека во мене расте нешто преубаво и магично.

Кога децата би се стрчале од надвор да ме бакнат, не би им рекла: Подоцна ќе се гушкаме, сега измијте ги рацете пред ручек.“

Би користела многу повеќе „те сакам“ отколку „жал ми е“.

Кога би добила друга прилика за живот, би ја ценела секоја минута, би гледала напред без да се вртам назад.

Престанете да се потите за мали нешта.

Престанете да се грижите кој не ве сака, кој има повеќе или кој што работи.

Наместо тоа, почнете да ги цените односите кои ги имате со оние кои ве сакаат.

Размислете со што сте благословени и што правите секој ден за да се подобрите себе си умствено, физички и емоционално.

Што би промениле вие кога би имале шанса да започнете нов живот од почеток?

Би можело да ве интересира:

Сериски убиец или трговија со луѓе? Во период од 10 години биле најдени 20 човечки стапала на брегов... Од 2007 до 2019 година, на бреговите на Салишкото Море во Канада било најдено 21...

Модерни навики и промени во светот што им пречат и на младите луѓе „Преку глава ми е што треба да користам посебна апликација за секој аспект од жи...

Бизарни (и застрашувачки) ментални нарушувања и болести Лицата со боантропија веруваат дека се животно, како крава или бивол, и некогаш ...

Како да оставите добар прв впечаток: Што смеете, а што никако не треба да правите? Смејте се, но имајте граници. Хуморот честопати е тајната состојка во „рецептот“...

7 бон-тон правила за во ресторан и на свечени настани Ако сте на свечен настан со шведска маса, едната рака секогаш нека ви биде слобо...

Емотикони што сигурно не сте знаеле дека ги употребувате погрешно (втор дел) Во комуникацијата на социјалните мрежи многу често се употребуваат различни емот...