Моќта на боите

Боите играат голема улога во нашиот живот иако не им посветуваме големо внимание. Имено, боите и човековото расположение, како што покажале бројни...

...истражувања, се поврзани. Црвената боја буди моќни контрадикторни емоции, а сината е одлична за смирување на стресот.

Ви откриваме какви емоции будат разните бои.

Црвена
Оваа моќна боја буди емоции како што се стравот, лутината и страста, според стручњаците, црвената боја е многу комплицирана и нејзините нијанси предизвикуваат различни емоции. Жените во црвено се најпривлечни, а црвената боја за многумина е и симбол на љубовта. Црвената се смета за боја на страста. Кога е во прашање облекувањето, црвената боја не е за секого. Можат да ја носат само луѓе со голема самодоверба.

Сина
Ако сакате да се смирите, насочете го погледот кон нешто сино, бидејќи е докажано дека таа боја го намалува притисокот. Сината боја смирува, но не ве прави депресивни, затоа што е присутна во природата. Океанот и небото се сини и предизвикуваат смиреност. Кога е облекувањето во прашање, добро е да се носи сина боја кога се оди на интервју за работа бидејќи така ќе оставите добар впечаток. Сината боја се поврзува со довербата, силата и стабилноста.

Зелена
Бојата на тревата, лисјата и другите богати вегетации, присутна е во природата, а со самото тоа носи позитивни конотации. Се мисли дека преставува совршена боја за релаксација и освежување, како и за обновување на енергијата. Зелената боја се поврзува со природата и растот, но и со повторното раѓање. Им се препорачува на сите како избор за гардероба, бидејќи на сите добро им стои.

Жолта
Оваа боја во себе носи и позитивни и негативни конотации – од радост и среќа до завист и болест. Спектарот на човековите емоции зависи за кој тон на жолта боја станува збор. Ако е смирена топла жолта таа во нас ќе разбуди позитивни емоции. Ако е тонот студен, тогаш кај нас ќе предизвика одбојност. Луѓето кои што се облекуваат во топли тонови на жолта боја, зрачат со отвореност и пристапност.

Портокалова
Ова е комбинација на жолта и црвена боја, а буди позитивни емоции. Човековата потсвест ја доживува како креативна боја полна со ентузијазам. Тоа е боја која симболизира виталност и издржливост. Оваа боја е одличен избор за облека кај луѓето што сакаат да бидат поинакви. Одличен избор е и за спортска облека бидејќи е витална и го поттикнува вежбањето.

Би можело да ве интересира:

Топло, а елегантно: 9 практични совети за комбинирање зимска облека Дебелите зимски чорапи се лош избор ако постојано ви студи, а истото важи и за ф...

Облека и модни додатоци со кои си додавате години (ако не ги комбинирате правилно) Црните фустани се класика со причина, но поради контрастот што го создаваат, мож...

8 совети за стилски комбинации со тексас облека Тексасот и облеката од кадифе одлично се надополнуваат и никогаш нема да погреши...

Чанта изработена од воздух и стакло на ревија на Модната недела во Париз - Тежи само 33 грама Чантата е изработена од наноматеријали што НАСА ги користи во вселенските мисии,...

Си заминала од Србија во 90-тите, омажена е за британски бизнисмен – Која е Роксанда Илинчиќ, српска... „Кон крајот на 90-тите години немаше греење, па на факултет одев со шише топла в...

Кој е дечкото што привлече внимание со стајлингот меѓу гостите на Скопски моден фестивал 2023? Со ракавици, специфичен крој на блуза и масивни очила за сонце Стефан Крстевски ...