Guns N’ Roses на Егзит '12

guns-n-roses-na-exit-12-povekjeСветски познатите калифорниски одметници, бенд кој целата своја кариера го живееше "секс, дрога и алкохол" животот, хероите на неколкуте...


...генерации - Guns N’ Roses ќе настапат ова лето на главната бина на Exit фестивалот.

Од својот деби албум Destruction од 1987. година, па се до последниот Chinese Democracy во 2008. година, но и новиот албум, за кого тврдат дека е веќе подготвен, Ганси беа мисионерите на рокерската филозофија на слободата на чело со enfant terrible и иконата на рокенрол културата - Axl Rose.

Својата светска популарност Guns N’ Roses ја стекнаа во осумдесеттите и почетокот на деведесеттите години со својата мешавина на хард рок, блуз рок, хеви метал и глем метал, но и со спектакуларните концерти, скандали и тепачки. Ретко кој не ги знае песните како Sweet Child Of Mine, November Rain, Paradise City, Knockin’ on Heaven’s Door, Don’t Cry или Welcome to The Jungle.

Во април 2012. година Guns N’ Roses ќе бидат примени во Rock and roll hall of fame.

Како еден од симболите на 80тите години, Ганс ен' Роузис го вратија интересот за рок музиката кај најшироката публика во времето на превласта на електро и денс попот, осовременувајќи го неговиот хедонистички бунт со јазик разбирлив на новите генерации...“ - објаснува менаџерот на Мејн стејџот на Егзит, Драган Амброзиќ.

Во интервјуто за NME во јануари оваа година Guns N’ Roses најавија дека во моментов нвниот приоритет се сели на седмиот по ред студиски албум, како и дека имаат еден тон нов материјал, така да на Егзит ќе можеме некои од нив да ги слушнеме премиерно. Сите претходни албуми на Guns N’ Roses се продадени во милиони примероци, достигнувајќи ги платинестите тиражи на топ листите ширум светот.

guns-n-roses-na-exit-12

Својот настап на овогодинешниот Exit, кој ќе се одржи од 12. до 15. јули веќе го потврдија легендарните New Order, world music сензацијата Buraka Som Sistema, a Dance арената ќе ја угости познатата етикета Cadenza Records. По тој повод во Нови Сад доаѓаат Luciano, Reboot, Kenny Larkin, Robert Dietz и Maayan Nidam.

За EXIT: Exit е летен музички фестивал кој се одржува еднаш годишно во Нови Сад од 2000. година. Фестивалот трае четири дена, се одржува во почетокот на јули, на магичната Петроварадинска тврдина која потекнува од 18. век, веднаш до брегот на Дунав.

Веќе со години Exit е еден од најдобрите музички фестивали во Европа, местро кадешто некои од своите најдобри настапи ги имале Snoop Dog, Prodigy, Paul Weller, Arctic Monkeys, Moby, Chemical Brothers, Frankie Knuckles, Iggy Pop, Garbage, Primal Scream, Roger Sanchez, Carl Cox, Jamiroquai, Nick Cave, Billy Idol, Portishead, David Guetta и многу други.

Во 2007. година Exit ја освои наградата за Најдобар европски фестивал, награда која ја доделува асоцијацијата на 40-те најголеми европски фестивали. Exit поддржува и голем број општествени и хуманитарни акции.

Влезниците за Exit се веќе во продажба, а во Македонија можете да ги набавите само на официјалното продажно место во Југотон (Скопје, Градски Трговски Центар, први кат).

Најчитани неделава

sonovnik-sidebar.jpg
Кога ништо не е сигурно, сè е можно.
Маргарет Драбл