7 препораки при купување на паста за заби

Колку паста за заби треба да се нанесе, колку долго треба да се четкаат забите и кој производ да се одбере? Ќе ви го олесниме изборот со неколку...

...факти кои морате да ги знаете за средствата за нега на забите.

Флуорот е неопходен
Во морето состојки, она што вашата забна паста мора задолжително да го содржи е флуорот, без разлика дали треба да ги избелите забите, да го освежите здивот, или да ги заштитите непцата. Стоматолозите тврдат дека миењето заби два пати дневно со паста за заби која содржи флуор може да го спречи оштетувањето на забите и до 40%.

Потврда од здравствена организација
Во случајот со пастите за заби, доказот за проверка на производот мора да доаѓа од стоматолошка установа и мора да биде јасно означен на пакувањето. Производите кои немаат таква потврда често пати се многу поевтини од другите, но штедењето на сметка на здравјето на забите подоцна може скапо да ве чини.

Пастите за избелување делуваат – до некаде
Благодарејќи на абразивните состојки, или посебно обликуваните честички, пастите за заби задолжени за избелување на забите можат да ги отстранат дамките на забите и така, до некаде да допринесат за нивната белина. Но, пастите не содржат избелувачи кои се користат при професионалното избелување на забите и не можат толку видливо да допринесат за сјајната белина на забите како што тоа го прави постапката применета кај стоматолог.

Помалку е повеќе
Четкичка потполно покриена со паста за заби нема подобро да ги исчисти забите. Употребете половина од тоа, придобивката е иста, а пастата трае подолго. Затоа не се раководете од рекламите - за најдобар ефект нанесете капка со величина на зрно грашок.

Поважно е како отколку со што
Ако користите најдобра четкичка и најдобра паста, а не ги користите правилно, нема да има видливи резултати. Правилниот начин на миење заби вклучува држење на четката од прилика под агол од 45 степени, за да влакната на четката доспеат и на подрачјето помеѓу забите и непцето, па четкајте со мали кружни движења во траење од најмалку една минута.

Необични состојки
Нека не ве изненади ако на пописот состојки во забната паста најдете и морска трева, детергент, гума или слично, бидејќи секоја од тие состојки има своја функција и колку и да звучи бизарно, тие состојки се проверени и одобрени како составен дел на повеќето средства за нега на забите.

Паста или гел?
Средството за нега на забите подеднакво делува било да е во вид на паста или во вид на гел, сè додека ги содржат спомнатите важни состојки. Единствената разлика е во текстурата и вкусот, затоа изборот  е само ваш - одберете си производ кој негата на забите ќе ви ја направи попријатна.

Би можело да ве интересира:

Коксаки вирус: Како да го препознаете, како се пренесува и како да се заштитите? Коксаки вирусот спаѓа во групата на ентеровируси, а во повеќето случаи тој ќе пр...

Кога паѓаат млечните заби кај децата и зошто е важна оралната хигиена уште од најрана возраст? Доколку не се внимава на млечните заби, бактериите ќе се размножуваат, што на кр...

Отечени зглобови и уште 5 знаци дека јадете многу сол (и зошто треба да намалите) Покрај отоците на зглобовите, лицето и дланките, и дигестивните проблеми можат д...

Вие прашувате, психолог одговара: „Син ми (3) не сака да оди во градинка – постојано плаче“ На прашањата од нашите читатели одговара лиценциран психолог/ терапевт. На пр...

Работи што треба да ги знаете за хемороидите, а за кои се срамите да прашате Помалите хемороиди поминуваат сами од себе за неколку дена, а можат да се јават ...

Зошто имате зуење во ушите и дали е знак за нешто сериозно? Постојат разни причини за појава на тинитус, односно зуење во ушите – од многу г...