Големата смисла на малите нешта

Замисли една голема слагалица и на неа фалат само неколку делчиња. Иако ја гледаш целат слика, сепак нешто недостасува, нешто ја прави непотполна.

Замисли сега еден сад на чие дно има неколку дупчиња, едвај видливи со човечко око. Што би се случило ако ставиме вода во него? Садот нема да може да ја задржи течноста, а за некое време целата ќе истече.

Замисли сега еден моќен автомобил на чиј мотор недостасуваат малечки шрафчиња. Ако автомобилот тргне со таков мотор, може да предизвика смрт на луѓето во него.

А, сега, замисли си го својот живот, секој ден испреплетен со разни работи. Некои од нив се со толку големо значење што може да ти го променат животот за 180 степени. А, на другите толку си навикнат да ги доживуваш секојдневно и потполно природно – станување, работа, училиште, факултет, вечера, телевизија, спиење. Следниот ден истото од почеток.

Но, постојат и оние мали нешта кои не ги забележуваме и не ги правиме често. Тоа се малите нешта, како на пример состојки за додавање во некој оброк – може и без нив, но ако не ги ставите во храната – вкусот ќе биде лош. Таквите нешта можеби нема да го променат правецот на вашиот живот, но сигурно ќе го исполнат вашиот ден и ќе ја зголемат смислата.

За жал, често ги пропуштаме овие мали нешта – еден сончев зрак кој ѕирка низ густите и темни облаци; нежното цвркотење на птиците кои се радуваат на пролетта која доаѓа; веселата насмевка на децата кои си играат во дворот...и уште многу ситници кои ретко ги забележуваме.

Можеби затоа што сме навикнати да бидат дел од нашето окружување, па не ги разликуваме од големите нешта. А, вистината е, дека штом научиме да ги препознаваме и да им се радуваме, дури тогаш ќе почнеме да им се насладуваме на овие моменти во животот. И дури кога ќе се будиме благодарни за овие мали нешта, дури тогаш ќе доживееме вистинско задоволство во животот.

Како вие гледате на овие навидум мали и безначајни нешта? Успевате ли да ги препознаете во текот на денот и дали ги цените доволно?

Само вие го знаете одговорот на овие прашања. Ти си единствениот кој одлучува кои состојки треба да ги стави во овој оброк на Животот.

Направи го таков, за да ти биде вкусен и пријетн, и да ти овозможи насладување и задоволство.

Би можело да ве интересира:

Дедо ми од Битола ми остави кутија со златен часовник и заедничка фотографија со баба ми и ни одржа ... „Кога ја отворив кутијата на дедо ми, најпрво што видов беше неговиот џебен часо...

Мајка сум на две деца - зошто мразам кога луѓето ме прашуваат зошто децата ми плачат? Нема родител што не се соочил со ситуацијата детето да му се расплаче во јавност...

Омиленото годишно време открива какви сте во љубовта (но и каков ви е карактерот) Многу работи го дефинираат начинот на кој луѓето сакаат и се однесуваат во љубов...

Носталгија за едно минато време – се грижевте ли вие за ваков Тревко? Некои го викаа Тревко, а оваа декоративна пченица беше совршен начин за децата о...

„На враќање ќе купиме“, „Ќе ти порасне носот ако лажеш“ - Слатките лаги кои ни ги кажуваа родителите... „Тебе штркот те донесе кај мама и кај татко!“ , „Ако си умен Дедо Мраз ќе ти дон...

Вашите деца не се виновни за вашиот лош ден, фрустрациите, за вашето скршено срце Важно е да научите да се борите против заморот, тагата, стравовите и нерешените ...