Social Media Day – Караван низ Македонија
Трета година по ред 30 јуни ширум светот се одбележува како светски Social Media Day. По иницијатива и организација на блогот Mashable и неговата огромна заедница на корисници во повеќе од 460 градови на сите континенти ќе бидат организирани настани од различни типови и големини.
Оваа година за прв пат овој ден ќе биде одбележан и во Македонија.
Во сабота, на 30 јуни едно комбе полно со „зависници” од социјални медиуми ќе се упати во три града низ Македонија каде заедно со локалната заедница ќе се дружат и споделуваат знаења.
Дел од оние кои ќе бидат задолжени да привлечат што е можно повеќе луѓе да се појават на средбите во градовите се: Ива Дујак (@notsocialmedia), Андреј Шевченко (@cchevymk), Сеад Џигал (@sead93), Василка Димитровкса (@arheoblog), Мартин Димовски (@lacialec), Виктор Стојановски (@zuberot), Јована Тозија (@jovanatozija) и Александар Алексовски (@AleksAtanasov) и како организација јас (@darko156) и Наталија (@natalija).
Очекувајте детали за локации и точен временски распоред во следните неколку дена!