Подготовки за концертот на Чолиќ

Подготовките за најголемиот спектакл во Македонија за оваа година - концертот на мега ѕвездата Здравко Чолиќ кој што ќе се одржи на 1-ви август на стадионот Билјанини Извори во Охрид се во завршна фаза.

Техничката екипа на Чола викендов престојуваше во градот под Самуиловата тврдина и започна со првичните припреми за поставување на големата сцена на која ќе бидат изведени најголемите хитови на шармерот кои се длабоко врежани во срцата на неговите обожаватели.

Големи странични лед-екрани, светлосни ефекти и најквалитетно професионално озвучување ќе бидат само дел од техничките елементи на овој музички хепенинг. 

- Интересот на публиката за концертот на Чола е огромен, па токму затоа подготвуваме многу изненадувања за неговите фанови – изјавуваат организаторите ТА Орфеј.

Само песните од последниот албум на Чолиќ „Кад погледаш ме преко рамена“ се доволна причина за присуство на ова неколкучасовно музичко- сценско шоу. Концертот ќе биде најголема летна атракција за домашната публика, но и за туристите кои од сите страни на светот на 1-ви август ќе се најдат во Охрид.

И овој пат Чола ќе ја восхити публиката затоа што „Пусти моду“ „Продужи даље“, „Ти си ми у крви“, „Загрли ме“ итн.  никого не оставаат рамнодушен. Извонредната поддршка од бендот составен од професионални музичари, одлични пратечки вокали и разиграни танчери ќе ја направат вечерта на 1-ви август - ноќ за паметење.

Уште едно потсетување, влезниците се пуштени во продажба во ТА Орфеј, Тобако Тугедер салоните низ Македонија, Југотон, Зизи Топ Охрид, Куба Либре Охрид, сите туристички агенции во земјава и преку www.kupikartizase.com, по цена од 600 ден. зa терен, 1200 фан пит, 1500 Силвер Вип и 3000 ден. Вип влезници, а истите можат да ги резервираат на броевите: 023118602, 075404703.