Најдете момче за Св.Валентин
Иако некои од нас одлучуваат на 14-ти февруари да го слават Св. Трифун, многумина сакаат да го прослават и Св. Валентин - денот на заљубените.
Затоа, доколку сеуште немате партнер - впуштете се во акција на барање на момче со кое ќе го поминете овој ден. Еве неколку места на кои можете да го најдете вашиот совршен партнер:
1. Кафуле
Нормално дека ова ви се чини како најочигледен и добро познат предлог, сепак е најдобриот. Можеби познанствата во некој бар или кафуле не ви се чинат како најидеални, сепак не се за потценување. Затоа наредниот пат кога ќе заминете на кафе со вашите пријатели или колеги, убаво погледнете околу вас - можеби вашето идно момче е поблиску отколку што сте очекувале.
2. Библиотека
Библиотеки, а посебно кафулиња кои во својот склоп поседуваат и 'мини книжара' од некоја посебна причина ги прави сите луѓе пријателски расположени, a најдобрата работа е тоа што момците кои работат таму се интелигентни и културни. Така, нареден пат обидете се да започнете разговор со некој кој можеби на прв поглед нема да ви се види посебно атрактивен, но подоцна да сфатите дека се работи за вистински интересна личност.
3. На работа
Додека некои девојки си создаваат правило никогаш да не се врзуваат со колеги, сепак во некои околности ова правило вреди да се запостави. Ако во вашата канцеларија нема никој кој можете да го замислите како ваше момче, тогаш слободно разгледајте по останатите департмани.
4. Он-лајн
MySpace и Facebook се само некои од порталите кои вас ви овозможуваат да најдете совршен партнер. Нормално секогаш постои ризик дека дека врската ќе ви заврши катастрофално, но таква шанса постои и дури ако ве спојат вашите најдобри пријатели.
5. На пријателски забави
Не ги одбивајте поканите на домашно дружење, дури и ако ви се чинат досадни. Не доаѓајте неуредни - никогаш не знаете на кого ќе наидете и кој се може да се појави.
6. Волонтерски активности
Волонтирањето е одличен начин да запознаете нови луѓе и веќе ќе имате одлична шанса да видите како тој се однесува кон другите и ќе имате можност да дознаете многу повеќе за него. Самиот факт дека се работи за волонтерство говори доволно за неговиот карактер за почеток.
7. Возови, автобуси, аеродроми
Без разлика што поседувате автомобил, ако со поминете повеќе време во автобус голема е веројатноста дека ќе се зближите со некој сопатник. Одберете да седнете некаде позади, бидејќи таму обично се наоѓаат луѓе кои се секогаш пријателски расположени.
8. Свирки во живо
Одењето на живи свирки не е исто како и заминувањето во кафуле. Атмосферата е одлична, музиката ќе го направи своето, а тоа е сосема доволно за да лоцирате симпатично момче со кое ќе можете да се забавувате вечерта.
9. Спортски натпревар
Вклучете се во некој нов спорт. Ако не сте физички подготвени за таква активност, тогаш посетете некој спортски натпревар каде што најверојатно ќе наидете на многу момчиња.
10. Било кое друго место кое е врзано со она што вие сакате
Иако некои велат дека спротивностите се привлекуваат, најлесно ќе најдете момче ако со него имате некое заедничко хоби, било да се работи за планинарење, танц, цртање, дегустација на вино, програмирање и сл.
Би можело да ве интересира:
Препорачуваме
Најчитани неделава
