Таксират - еколошки фестивал

Наградата GREEN ’N’ CLEAN ги истакнува еколошките фестивали. Оваа иницијатива гарантира дека се имплементирани и јавно презентирани, мерките...

...за заштеда на енергија и заштита на природните ресурси.

Музичките фестивали имаат големо влијание врз животната средина. Сообраќај, бучава, отпад и отпадни води и емисии на стакленички гасови, сето тоа доаѓа заедно со забавата на фестивалите и собирањето на толпи луѓе. Ние веруваме дека со спроведување на мерките за зачувување на ниската стапка на влијанието врз животната средина, ќе и овозможиме на публката максимум задоволство за време на нејзиниот престој.

Ова вклучува достапен јавен превоз, користење обновлива енергија и ограничување на минимум воздушен сообраќај.

ТАКСИРАТ ФЕСТИВАЛ повеќе од 12 години е музичкиот двигател во развојот на културниот живот во Македонија, израснувајќи во најголемиот македонски фестивал посветен на алтернативен рок, поп, панк, електронска, реге и ска музика. Во склоп на програма на единствениот зимски фестивал во Југоисточна Европа, на ТАКСИРАТ беа артисти од калибарот на Juliete Lewis, Moonspel, Guano Apes, White Lies, Manu Chao, Delinquent Habits, Kanipchen-Fi, Wedding Dub.,Fun Lovin' Criminals, Haustor, Laibach, Rambo Amadeus, The Stranglers, Wailers, Athena, Let 3, Darkwood Dub, Забрањено Пушење, Kreator, Iggy pop & The Stooges, DJ Timo Maas, Kultur Shock, Суперхикс, Кирил Џајковски, Едо Маајка, Дисциплина Кичме, Тiga, The Roots, Marky Ramone, Audio Bullys, Swayzak, Neville Staple (the Specials), Bernays Propaganda, Elemental, Hladno Pivo и многу други.

Концептот на ТАКСИРАТ, покрај главната музичка програма, вклучува арт перформанси, уметнички филмови, театарски претстави, општествени кампањи кои промовираат позитивни вредности меѓу младата популација (No Pistols, Stop AIDS, Be A Volunteer), промовирање на нови музички изданија, претставување на неафирмирани артисти пред публиката и тн. Првиот фестивал од Македонија член на Европската фестивалска асоцијација – YOUROPE, повторно ја има честа на уште едно меѓународно признание.

ТАКСИРАТ ФЕСТИВАЛ е удостоен со интернационалната GREN’N’CLEAN награда, која ги истакнува еколошките фестивали. Со тоа е гарантирано дека се спроведени заштитните мерки во областа на управување со одржувањето, транспорт, управување на отпадот, енергетската ефикасност и моќ, како и во угостителството и набавките. Заштитата на природните ресурси и комуникацијата со спонзорите и публиката за овие напори се клучот за да се биде „Green’n’Clean“.

Наградата GREEN’N’CLEAN е организирана од страна на YOUROPE – Европска Фестивалска Асоцијација.