Оглас за автор на содржини за CRNOBELO.com (надворешен соработник)
Имаш желба и страст за пишување?
Ги следиш нашите содржини и би сакал да бидеш дел од нашиот тим?
Отворени сме за соработка со личност со вистински талент за пишување на квалитетни содржини (ова не подразбира преведување и препишување).
Бараме личност со креативен ум и способност да процени и предвиди интересни теми на кои ќе истражува и пишува, а со своето знаење и искуство ќе придонесе за поголема информираност и ќе овозможи квалитетна содржина на нашите читатели.
Доколку се сметаш за креативен, нè следиш редовно и ги читаш нашите содржини, сметаш дека можеш да придонесеш за развој на порталот од содржински аспект – ја очекуваме твојата апликација!
Потребни квалификации:
- Беспрекорно познавање на македонски јазик, граматика и правопис
- Талент и желба за пишување на квалитетни и креативни текстови / колумни на различни теми од секојдневието
- Следење на светските трендови, информации и новости, со цел соодветно да се пренесат на читателите
- Познавање на MS Office
- Посветеност и одговорност кон обврските
- Креативност и желба за личен развој.
Работни обврски како надворешен соработник:
- Креирање квалитетни авторски содржини за CRNOBELO.com
- Проверување и потврдување на точност на информации и факти
- Комплетно средување на содржините до објавување на истите
- Постојано следење на светските трендови на сродните онлајн медиуми.
Доколку сакаш да бидеш дел од тимот на CRNOBELO.com, испрати ни CV, кратко мотивациско писмо и еден текст кој сметаш дека би се читал на нашиот портал на Оваа е-адреса е заштитена од спамботови. Треба да ви е овозможено JavaScript за да ја видите..
*Текстот е само дел од апликацијата и нема да биде објавен на CRNOBELO.com.