Девојко, во ред е на 30 да сфатиш дека прво за себе треба да гледаш, но не е оправдување да си себична

Да, да, знам наполни 30 години и ти се случи клик во главата, сфати дека само ти си важна и никој друг.

Сфати дека ако ти не си гледаш за своето добро, никој друг нема да гледа.

И сето тоа е во ред, те поддржувам и јас сметам дека така треба да се живее.

Но, те молам не оди во крајност, а веќе тргна натаму.

Ова ти стана како оправдување за да бидеш себична.

Почна да не си стоиш на зборот, да извисуваш пријатели, да повредуваш дечковци, да ги разочаруваш родителите, само затоа што ете само ти си си важна.

Одиш во крајност и на сметка на тоа повредуваш сакани луѓе и можно е да ги оттурнеш од себе и да останеш сама.

Потоа ќе бидеш себеси најважна и единствена, но ќе бидеш и осамена и разочарана.

На крајот од денот јасно ти е дека сам не се живее. Нели?

Доста ја користеше оваа девиза како оправдување да правиш што сакаш и да не се заморуваш дали со тоа влијаеш негативно врз другите.

И нивниот живот е подеднакво важен како твојот.

Никој не ти вели да го ставаш пред својот, но барем почитувај го малку и биди достојна кон нив.

Немој да се вивнуваш во облаците мислејќи дека така треба.

Не треба.

Она старото клише кој високо лето, ниско паѓа за жал најчесто се покажува како точно.

Не си само ти, не е само твојот живот, не се само твоите желби, не се само твоите планови.

Има тука и други луѓе. Помисли некогаш и на нив.

Можеби во 20-тите беше „понемудра“ според твоите стандарди, но дефинитивно беше и подобра ќерка и подобра сестра и подобра пријателкаи подобра партнерка и подобра колешка.

©CRNOBELO.com Забрането преземање и копирање. Крадењето на авторски текстови е казниво со закон.

С. С. | Црнобело