Утре може ќе ја нема, сакај ја денес

Цени ја како што заслужува да биде ценета,

Сакај ја како што посакува да биде сакана,

Посветувај ѝ внимание,

Одвојувај доволно време за неа,

Слушај ја внимателно кога зборува,

Прашај ја како е,

Прашај ја што сонува,

Прашај ја што посакува,

Прашај ја што ја плаши,

Прашај ја што ѝ прави убаво на душата.

Прегрни ја. Бакни ја. Утеши ја со збор.

Таа е вистинската знаеш и самиот.

Ниту имало. Ниту ќе има другa како неа.

Зошто не ѝ го кажеш тоа?

Зошто не ѝ кажеш дека целиот свет не ти вреди колку неа? Зошто не ја стиснеш колку што ја љубиш?

Онака коските да ѝ искрцкаат.

Зошто не ѝ велиш дека е убава?

Зошто не правиш да се чувствува посакувана?

Зошто не ѝ покажеш дека за тебе таа е единствената жена на светот?

Може за миг да се случи да ја снема.

И потоа ќе ти остане само каењето.

Ќе видиш колку всушност си празен без неа и колку таа била твоето сè.

Но, тогаш ќе биде предоцна.

Ќе биде предоцна да ѝ кажеш дека ја сакаш, цениш, почитуваш, обожаваш, дека ѝ се восхитуваш, дека ти е муза, мотивација, сила, потпора.

Не чекај да биде предоцна.

©CRNOBELO.com Забрането преземање и копирање. Крадењето на авторски текстови е казниво со закон.

С. С. | Црнобело