Евтини оброци со кои пораснале нашите баби и дедовци - сте ги пробале ли?

Леб со свинска маст и црвен пипер, леб со маргарин и вегета (или сол), попара со кисело млеко, а ако ти се јаде нешто благо ќе ти дадат леб со шеќер натопен во вода. Како се хранеле нашите баби и дедовци и што јаделе најчесто за појадок?

Оние повозрасните што растеле во времето по Втората светска војна честопати знаат да кажат дека ние помладите навистина претеруваме и не знаеме што значи да се јаде скромно.

Во основа денес свеста за здравата исхрана е многу поголема, а честопати се споделуваат здрави рецепти за храна што многумина ги подготвуваат.

Повозрасните можеби со чудење ве гледаат како за појадок јадете овесна каша или семки со јогурт, како пиете кокосово или бадемово млеко, а речиси најголем дел од нов нема да знаат да ви кажат како изгледа манго или авокадо.

Затоа пак, со доза носталгија и секако со голема возбуда, ќе ви раскажат што јаделе тие кога биле деца и како изгледале нивните појадоци, при што задолжително следува реченицата: „Не знаете вие деца како е да немате. Ќе си дојдеш од училиште, ќе ти намачкаат едно парче леб и маст и трчаш на улица“.

Во продолжение направивме список на евтините оброци што ги јаделе нашите баби и дедовци и како израснале. Сте пробале ли вие некогаш нешто од ова?

Леб, свинска маст и црвен пипер

Леб, вода и шеќер

Попара од суви корки леб и сол (може и сирење)

Попара со кисело млеко

Лубеница (или диња) и сирење

Продолжува на следната страна...