Кока-Кола - митови и факти

Кока-Кола е еден од најпознатите и најпродаваните светски брендови. Овде можете да најдете се’ што можеби не сте знаеле за најпопуларниот безалкохолен пијалак, во кратки црти – историјата за настанување на Кока Колата.

1. Кока-Колата светлото на денот го здогледала во аптека во Атланта, каде во 1886 година се продавала 5 центи за чаша.

2. Првата година нејзиниот создавач, Џон Прембертон, продавал во просек 9 чаши на ден. Компанијата денес продава 1.4 милијарди шишиња секој ден.

3. Прембертон починал во 1888 година и не успеал да го доживее успехот на пијалакот кој го измислил.

4. Asa Griggs Candler, бизнисмен од Атланта, во 1888 ги купил правата за Кока Колата за околу $2.300 долари. До 1895 година побарувачката за овој пијалак пораснала на државно ниво, па тој морал да изгради погони за производство и во Чикаго, Далас и Лос Анџелес.

5. Велосипедски маратон е првиот спортски настан кој ја промовирал Кока-Колата. Светскиот шампион Боби Валтур се појавил уште во 1909 во весник во реклама за Кока Кола која сега се наоѓа во седиштето на компанијата во Атланта.

6. И покрај успехот на Candler, тој не успеал во целост да го сфати потенцијалот на пијалакот. Така, во 1899 година двајца адвокати Benjamin F. Thomas и Joseph B. Whitehead ги откупиле ексклузивните права за продажба на Кока-Кола во шише и тоа по цена од само $1 долар.

7. Првата фабрика за Кока-Кола во Азија се отворила на Филипините во 1912, а во Европа во 1919 година во Франција.

8. Компанијата загрижена од бројните копии, се фокусирала на претставување на автентичноста на Кока-Колата. Се одлучиле да дизајнираат препознатливи шишенца за луѓето да бидат сигурни дека ја добиваат вистинската Кока-Кола. Во 1916 година заобленото шише, кое го задржа својот препознатлив облик сè до денес, е одбрано за најсоодветно заради атрактивниот изглед, оригиналниот дизајн и фактот дека и во мрак би можеле да го препознаете посакуваниот производ.

9. Биле потребни 70 години компанијата да се прошири на нови вкусови. Фантата оригинално е развиена во 40-тите, а прв пат претставена во 50-тите. Спрајт за прв пат го здогледал светлото на денот во 1961 година. Компанијата денес има портфолио од 500 брендови и 3.300 различни пијалаци.

10. Кока-Колата без шеќер (Diet Coke) е претставена во 1980-тите во „ерата на трикоата и целото фитнес лудило“.

11. Компанијата имаше најлош маркетиншки потег кога во 1985 ја претстави новата Кока-Кола, менувајќи го рецептот за прв пат во 99 години. За време на тестирањето луѓето тврделе дека им се допаѓа, но кога производот е пуштен на пазарот добил неверојатно лоши критики, па компанијата била приморана да го врати назад оригиналниот вкус на класичната Кока Кола.

12. Кока-Кола поттикна бројни митови, вклучувајќи го и тоа дека нејзината оригинална боја е зелена (шишето било зелено, но пијалакот секогаш бил кафено-црвенкаст), дека заби, месо и паричка се распаѓаат во чаша Кока-Кола ако ги оставите да преноќат (никогаш вакво нешто не е докажано), дека се користи за чистење на улиците после сообраќајни несреќи (никогаш забележано).