Стигнаа и во Македонија: Која е приказната зад Labubu играчките, со кои сите се „опседнати“?

Се верува дека пандемијата има удел во прославувањето на играчките

Иако изгледа како кај нас да станаа сензација преку ноќ, на играчките им требале неколку години за да станат глобален хит.

Кина е земја со милијарди жители, па таму постојано се појавуваат трендови кои воопшто не излегуваат од државата.

Сепак, кон крајот на 2022 година, кога онлајн купувањето стана норма поради пандемијата, Labubu играчките почнаа да се прославуваат и во другите азиски држави.

Кон средината на 2024-та, корејска поп пејачка почна да објавува фотки од играчките онлајн, а бидејќи корејската музика веќе станува „мејнстрим“, ова помогна Labubu да стане меѓународен феномен.

Изминативе неколку месеци, и други ѕвезди беа забележувани со Labubu играчки – Ријана беше фотографирана со ваква играчка на нејзината чанта, а Ким Кардашијан самата се пофали дека веќе има колекција од десетина играчки.

Минатиот месец, дури и Дејвид Бекам кажа дека имал Labubu играчка што ја добил како подарок од ќерка му Харпер.

Никој не знае зошто светот одеднаш стана опседнат со играчките

Во морето вирални трендови, некогаш е тешко да се одреди зошто нешто станува популарно, а таков е случајот и со Labubu играчките.

Кинескит медиуми пишуваат дека куклите прикажуваат ја прикажуваат креативната страна на Кина, и можеби тоа ги прави привлечни.

Според некои, куклите се како колекционерски предмет, а можеби дури и некаков статусен симбол бидејќи се популарни и кај славни личности.

За некои, пак, се само моден додаток бидејќи многу девојки и жени ги носат закачени на нивните чанти.

Спирова С. | Црнобело