Најнеобичните знамиња на земјите низ светот

Додека голем дел од земјите на знамињата имаат само бои, неколку од нив се издвојуваат со чудни симболи и форми.

Кое е значењето на едни од најнеобичните знамиња во светот?

Мозамбик

Кога станува збор за национални знамиња, никој не може да се спореди со знамето на Мозамбик.

Ова знаме е украсено со пушка (калашников) која ја симболизира одбраната и будноста, а отворената книга ја симболизира важноста на образованието, додека мотиката го претставува земјоделството.

Бутан

Општо познато е дека змејот е важен симбол за многу азиски земји, но Бутан е првата земја што го ставила змејот на националното знаме. Митскиот змеј прикажан на знамето е Друк, легендарниот змеј кој го држи дијамантот наречен норбу.

Жолтата боја ја означува граѓанската традиција на таа земја, додека портокаловата го претставува будистичкиот спиритизам.

Кенија

Масаискиот штит, кој ја зазема централната позиција на знамето на Кенија, ја претставува одбраната на оваа земја.

Црната боја ги симболизира луѓето од Кенија, црвената крвта која се истурила за време на борбата за независноста, а зелената боја го претставува пејзажот.

Островот Ман

Островот Ман е лоциран помеѓу Велика Британија и Ирска, а знамето на оваа држава прикажува три човечки стапала (трискелион).

Идејата е заснована според грбот на последниот викингшки крал на островот Ман, Магнус III, а симболот потекнува од античкиот келтски симбол на сонцето.

Уганда

Централниот дел од знамето на Уганда е сив жерав, кој е национален симбол на оваа земја, а подигнатата нога на птицата го симболизира напредокот на Уганда.

Црната лента ги симболизира луѓето од оваа земја, жолтата африканското сонце, додека црвената боја е симбол на африканското братство.

Еквадор

Националното знаме на Еквадор се состои од три бои и од исклучително сложен грб кој го зазема централното место.

Во грбот се наоѓаат: планина (Чимборазо, највисоката планина во Еквадор), река, пароброд, сонце, копје, ловоров лист и палми, како и неколку други објекти поврзани со оваа земја. На врвот на грбот стои кондор кој ја симболизира моќта на Еквадор.

Гибралтар

Црвениот замок со трите кули, лоцирани на знамето на Гибралтар, го претставува Кралството Кастиља, моќното средновековно кралство лоцирано на Иберискиот полуостров.

Гибралтар се смета за порта за Медитеранот, затоа имаат  златен клуч.

Велс

Црвениот змеј, познат и како велшкиот змеј, го симболизира кралот Кадвалдар кој владеел со Велс во VII век, а често бил поврзуван со змејот.

Ашера | Црнобело