Зачекорете во црно-белиот свет на нашиот инстаграмџија Игор Аврамоски


Зачекорете во црно-белиот свет на нашиот инстаграмџија Игор Аврамоски

Страста спрема креативноста отсекогаш била присутна во животот на Игор Аврамоски од Кичево - фотограф, сликар, шанкер и дипломиран ликовен педагог со сликарство и сега со новостекнат прекар - инстаграмџија. 

zacekorete-vo-crno-beliot-svet-na-nashiot-instagramdjija-igor-avramoski_3.jpg

Со години својата жед кон уметноста ја задоволувал преку музика, бил пејач во неколку кичевски метал бендови, а најдолго останал во Arrested Army.

Завршил средно електро, но поради тоа што часовите не го интересирале многу, често пишувал текстови или чкртал груби скици, па откако бендовите му се растуриле првичното скицирање понатаму еволуирало во сликање, па сè до запишување на факултетски студии, кои биле пропратени со изложби, илустрирање на книги, ЦД омоти и слично.

Игор сака да обработува теми каде се претставуваат човечките емоции. Во последната серија ги прикажа негативните емoции како што се тага, депресија, очај, самотија... и тоа со помош на надреалистички инсектоидни-хуманоидни креатури поставини пуст, постапокалиптичен метафизички свет. 

zacekorete vo crno beliot svet na nashiot instagramdjija igor avramoski 2

„Главната причина зошто сум на Инстаграм е тоа што во тој период ми изгледаше како подобра опција за промовирање на моите дела од Фејсбук. Тоа автоматски ме мотивира“, споделува Игор, кој интерес за фотографија имал отсекогаш, уште од времето кога сестра му, Ана, ги имала нејзините рани експерименти. 

Бил фасциниран. И сé уште е, но неговиот фокус бил на сликарството, тоа било така до пред две години кога со месеци немал фатено четки, а камо ли насликано нешто. Па како и по обичај излегол на планините и одлучил да го земе апаратот кој му го поклонила сестра му, нејзиниот стар Canon EOS 1100, заедно со уште неколку аналогни апарати, кои сé уште ги користи.

По тој ден во Игор се родила неверојатна љубопитност, таква каква што до тој ден немал почувствувано. Почнал да експериментира. Да истражува. Да учи. Да прави грешки. Да ги поправа грешките. Се случувале неверојатни нешта што го држеле буден и го мотивирале секој ден.

„Во последно време почнав да експериментирам со боја, но едноставноста, елеганцијата, драмата, мистеријата, безвременоста на црно-белата фотографија од секогаш имале предност кај мене“, додава Игор, кој сака да фотографира предели каде што човекот најчесто го нема. Како шуми и планини. Особено кога времето е за „никаде“. Отсекогаш тие две нешта го инспирирале и мотивирале.

„Денеска многу е лесно луѓето да се фокусираат на погрешни нешта. И не се криви за тоа. Светот е брз и сè што се купило денеска утре е веќе старо. Истото важи и за фотографската опрема. Да. Убаво би било да се има во свои раце последниот модел што Canon, (Nikon, Fujifilm...) го пуштиле во продажба, но не е потребно.

Фотографијата е многу повеќе од опремата. На сите што сакаат да се занимаваат со фотографија пред сè би им советувал да се фокусираат на важните нешта. Препознавање на добра композиција, добро светло. Да се научи некој од софтверите за обработување како Photoshop или Lightroom. И секој можен момент да се искористи на учење нешто ново или фотографирање и експериментирање“, споделува Игор Аврамоски.

Автор: Евгениј Хоуп | Црнобело

Би можело да ве интересира:

Натали Башоски со фотографии го освојува светот: „Досега, не ме фатила носталгија за назад“ Млада, забавна, талентирана, секогаш интересен соговорник кој на еден феноменале...
Игор Џамбазов: Не, немам ќерка! Го знаеме како актер, водител, шоумен, а можеби и никогаш не сте знаеле дека сак...
Тино и Атанас: Една танга знае да направи општ хаос позади сцена! Ги знаеме како Тино и Атанас, ги препознаваме како момците кои внесоа една поина...

Најчитани неделава