Како да останете организирани додека работите, без разлика дали сте дома или во канцеларија

Ако сакате да бидете продуктивни, многу е важно добро да си го организирате времето.

Без разлика дали сте во канцеларија или работите од дома, ако не направите некаков план, вашата продуктивност дефинитивно ќе страда.

Затоа, погледнете како да останете организирани додека работите, без разлика каде сте:

Секој ден работете на организацијата

Секој ден правете листа со најважните обврски, но направете и неделен план за работите што обично ги запоставувате.

На пример, понеделник нека биде ден за средување на работното простор, во вторник средете ги документите, во среда одговорете на запоставените мејлови…

На овој начин обврските нема да ви земаат многу време, а сигурно ќе ги завршите сите.

Испразнете ги фиоките и бирото

Голема е веројатноста во вашиот работен простор да има еден куп работи што не ви се потребни – пенкала што не пишуваат, стари документи, шолји, нешто за грицкање…

Обидете се да се ослободите од сите нешта што не ви требаат додека работите. На овој начин бирото секогаш ќе ви биде средено, а околу вас ќе нема работи што ќе ви го одвлекуваат вниманието.

Најдете време за релаксација

Кога имате напорен ден, обидете се да одвоите 10-тина минути за релаксација. Ова време нека биде само за вас и дозволете си да се ослободите од стресот и вистински да се опуштите, а потоа вратете се на работа. Веднаш ќе ја забележите разликата во вашата продуктивност

Намалете го бројот на потсетници

Наместо насекаде да лепите потсетници, запишете ги сите задачи на едно место и организирајте ги според итноста. Прво фокусирајте се на најважните, а дури потоа обрнете им внимание и на другите.

Обидете се во работниот простор да имате најмногу 2-3 стикери со потсетници.

Заборавете на бројните апликации

Можеби имате неколку апликации за кои мислите дека ви помагаат да се организирате, но на нив сигурно трошите повеќе време од планираното.

Затоа, додека работите држете се до најважното – апликацијата за мејл и апликацијата со којашто комуницирате со колегите. Facebook, Instagram и сè друго оставете за после работа.

Испланирајте го времето

Ако воглавно имате исти работни обврски секој ден, тогаш знаете колку време ви одзема секоја од нив. Земете го тоа предвид и испланирајте го целиот работен ден.

Најдобро завршете ги обврските што одземаат повеќе време наутро, за остатокот од денот да ви биде порелаксиран.

Најдете добар планер

Денес се продаваат секакви планери, па сигурно ќе најдете нешто што ќе ги задоволи вашите потреби. Ќе се изненадите кога ќе сфатите колку всушност ќе ви биде од помош.

Спирова С. | Црнобело