Страв да се биде “сингл“

Никој од нас не сака да остане сам и сите понекогаш се прашуваме дали постои личност создадена баш за нас. Но, дали се исплати да ја барате личноста...

 

...за вас само затоа што понекогаш сте осамени? Излегувањата со пријателите често се многу поинтересни од мирна ноќ со саканиот, но сите ние сме свесни дека ни недостасува чувството на сигурност.

И кога ќе сфатиме дека нас ни е поважна сигурноста од забавата тогаш почнуваме да се чувствуваме осамено. Тоа најчесто резултира со залудна потрага за вистинскиот каде разочарувањето е главна последица. Никако да сфатиме дека вистинската љубов се случува сама од себе.

Сите сме нестрпливи, немирни кога е во прашање нашата иднина. И сите сакаме да ја делиме со некого. Многу остануваат во лоши врски само за да не бидат сами. Сите го сакаме она на кое сме навикнале, а навиките тешко се менуваат. Но, самотијата не мора да биде лоша.

Се си има свои последици па така и фактот дека сте сингл. На сите некогаш ни е потребен мир и тишина. Да се собереме и размислиме што навистина сакаме.

Самотијата ни помага да донесеме одлуки, без туѓо влијание. Заради тие одлуки најчесто сме на вистинскиот пат. Ако за тоа не ни се потребни други зошто стравот да се биде сам постои? Нема причина за страв затоа што ние ионака не сме никогаш сами.

Како што Рејнер Мариа Рилке еднаш рекол: “Љубовта се состои во тоа да се штитат двајца, да бидат еден со друг и да се поздравуваат меѓу себе“ Кога ќе се чувствувате осамени следниот пат, правете и друштво на осаменоста, таа ви е најдобар пријател.

Осаменоста боли, но не толку колку лажна љубов. Секогаш е до вас и никогаш нема да ве нашпушти. Уживајте додека сте “сингл“ затоа што сигурно нема да останете сами.