Како да го задржите партнерот?

Нема волшебен рецепт за да го задржите партнерот, но постојат грешки кои на почетокот на врската треба да се избегнуваат по секоја цена.

 

Ништо не може да уништи една нова врска како една од овие неколку грешки.

* Да брзате со сексот - Не постои идеално време за првиот секс со новата љубов, но ако станете интимни пред да се запознаете подобро, постои можност некој да изгуби интерес. Пред првиот однос морате да ги познавате другите квалитети на особата со која сте во врска. Да си оставите себеси доволно време за да одлучите кога е правиот момент за да станете интимни.

* Да се отворите пребрзо - Полека со приказните засебе. Не е добро да брзате и да се отворите веднаш и да ги кажете сите детели од вашето детство. Таа драма би можела да се одрази и на вашата сегашност.

* Опседнатост со чести повици и пораки - Иако живееме во време во кое секогаш сме достапни преку е-маил и мобилен телефон, сепак не претерувајте. Со честите повици вие само ќе ја намалите заинтересираноста на партнерот.

* Шпионирање - Немојте да чепкате по неговиот телефон, да го пратите после работа, или да му претурате по џебовите. Јасно ви е како може тоа да заврши.

* Немојте да се запуштите себеси - Важно е да се трудите околу партнерот, но ако притоа се занемарите себеси, вашите сопствени потреби и чувства, сигурно ќе бидете губитник.