Сакал да се разведе, ама му било страв?

Си бил еден човек, поточно еден јадник. Сакал да се разведе од жена му, ама му било страв да и каже. Па му дошла една "одлична" идеја: најмил актерка да ја глуми жена му во суд...

Идејата нормално не му успеала, зошто ги немал сите лични документи од жена му и нормално актерката не личела на жената која била во брак со него.

Кога го прашале дали знае дека таа жена во судницата не е неговата сопруга, јадникот почнал да се правда пред судот дека не гледа убаво зошто не ги носи леќите, па затоа и не приметил дека жената од која се разведува не е неговата жена.

Откако не му поверувале и му рекле дека по толку години заеднички живот сигурно знае како изгледа неговата сопруга без разлика дали носи леќи или не, судот ја известил неговата вистинска жена за целата оваа мешаница, па таа да се заштити себеси од целиот срам, ангажирала скапи адвокати кои имале и повеќе од доволно докази да го уништат јадникот.

Сепак, единствена добра работа од целата ситуација е што успеал да се разведе, ама цела држава дознала за случајот и сите знаат како изгледа "јунакот".

Баш ме интересира дали некоја друга ќе сака да се омажи за него по целава оваа лакрдија.