Збогум за метросексуалците

Финансиската криза освен што влијаеше оизитивно на индустриските шминки, чија продажба расте од месец во месец, донесе уште една позитивна работа.

 

 

Метросексуалците, слаби, негувани мажи кои се воодушевуваат на вашите чевли - во тешките времиња станаа бескорисни. Жените повторно бараат вистински фраери, на кои можат да се ослонат.

Колумнистката од Дејли Мејл се присетила на машката убавина во различни периоди од животот и резултатот секогаш бил ист - кога ќе западнат во финансиски проблеми, жените секогаш бараат вистински, цврсти фраери (барем на изглед) на кои ќе можат да се ослонат.

Во триесетите години, за време на големата депресија, во Холивуд не бил популарен Фред Астеар со своите танцувачки чекори, туку своеглавиот и строгиот Кларк Гејбл.

Во седумдесетите години индустријата повторно западна во криза и кој се проби во Холивуд? Роберт де Ниро, Џек Николсон, Барт Рејнолдс.

Во поново време почнавме да се восхитуваме на новите клинци на големите платна. Бред Пит е веќе проверена “роба“, но затоа не воодушевуваат глумците како Леонардо Ди Каприо и Едвард Нортон.

Моментално актуелни се и Силвестер Сталоне и Мики Рурк. Некако се сомневаме дека брзо ќе ги снема од сцената, барем до првата стабилна година кога жените ќе почувствуваат дека повторно имаат контрола и за соговорник ќе изберат советник и најдобар пријател наместо љубовник.