Имањето стил не значи „здолниште и високи потпетици“ - модни тајни кои стилистите ги чуваат само за себе

Ќе се согласиме: ништо не се менува толку брзо како што се менуваат модните трендови. Луѓето „очајно“ се обидуваат да останат во чекор со модата, а тоа неретко знае навистина да чини.

Дел од современите, светски стилисти кои имаат обемно познавање од модниот свет се подготвени да споделат низа совети „бесплатно“, а пак наспроти нив се оние кои истите ги задржуваат за себе и практично ги преточуваат во изгледот на својот клиент.

Универзални совети и едноставни модни трикови навистина постојат - 10 „тајни“ правила кои им пркосат на модните новитети:

Имањето стил не значи „здолниште и високи потпетици“ по секоја цена

Слободно експериментирајте со повеќе лежерни парчиња, па дури и умешно искомбинирана машка облека. Комфорна маичка, сако и добро одбрани патики или мокасини се секогаш добитна комбинација, a не може да погрешите и со макси фустан и патики или чизми, зависно сезоната. 

Водете се по правилото „три клучни елементи“

Ако мразите комплицирани модни трендови и само сакате да изгледате класично, а трендовски, потребно е да обрнете внимание на три поединости.

Квалитетните очила за сонце, секојдневната кожена чанта и добриот пар чевли или патики во кои можете лесно да се движите, веднаш ќе го комплетираат вашиот изглед.

Прошетајте ги патиките подалеку од теретаната

Патиките веќе одамна не се чевли наменети само за спортување. Сѐ повеќе стилисти се обединуваат при одлуката дека комбинацијата на здолниште и добро избрани патики е навистина трендовски „фит“, а исто така е доволно удобна за брзото темпо во кое живееме.

Обрнете внимание на изборот на ремен

Верувале или не, ремените се суштински дел од вашата облека. Додавањето текстуриран, украсен или шарен појас е најбрзиот начин да ги истакнете основните парчиња и да ја „убиете“ монотонијата.

Бисерите се секогаш добредојдени

Бисерно ланче, обетки или додатоци како бисерни клипови за коса, се навистина полн погодок. Ѕирнете во накитот на вашата баба и инспирирајте „шик“ изглед кој ќе додаде необична елеганција на вашата лежерна облека.

Продолжува на следната страна...