10 места со шарена приказна

Сивите и тмурните фасади се составен дел од голем број градови низ светот. Но, сепак, постојат места кои на прв поглед ќе ве воодушеват со своите...

...разиграни и шарени фасади.

1. Бурано, Италија. Малиот остров покрај својата „поголема сестра“ – Венеција, најчесто останува занемарен, но секако треба да го посетите. Куќички со шарени бои се негов заштитен знак.

2. Буенос Аирес, Аргентина. Во градскиот кварт Ла Бока преовладуваат раскошни бои. За квартот да стане попривлечен и убав пред 50 години фасадите биле обоени во различни бои. Денес ова е најпосетуван дел од сите туристи.

3. Кејп Таун, Јужноафриканска Република. Муслиманскиот кварт Бо-Каап не е само шарен и весел, туку е посебен и по своите улици полни со џамии. Вистинска шарена авантура.

4. Чефчауен, Мароко. Мароканското сино гратче се наоѓа меѓу две брда, а муслиманите од Андалузија во 15тиот век го збогатиле овој град со препознатлива естетика и боите на својата земја. Сината и белата боја прават вистинско визуелно доживување.

5. Копенхаген, Данска. Nyhavn можеби во превод значи ново пристаниште, но овде сепак станува збор за старо пристаниште. Шарените куќи некогаш криеле раскалашени крчми и студија за тетовирање, а денес овде се сместени туристички кафулиња и ресторани.

6. Тобермори, Шкотска. Главното место на островот Мулл е карактеристични по своето мало пристаниште окружено со шарени куќички. Туристите ги привлекува и вискито кое се произведува во ова место.

7. Манарола, Италија. Се чини дека италијаните сакаат шарено. Малото село Манарола е изградено на стрмна карпа во морето, а положбата, шарените куќички нанижани една покрај друга и бројните винови лози над нив – се вистинска туристичка атракција.

8. Санторини, Грција. Туристите ги освојува на прв поглед. Не само заради неверојатната локација, преубавата клима туку и впечатливата архитектура во сина и бела боја.

9. Гуанахуато, Мексико. Некогаш најбогат град на Мексико, познат е по своите тесни улички кои се вистински шарен лавиринт.

10. Берген, Норвешка. Стариот градски кварт е под заштита на УНЕСКО. Овде се сместени 62 градби од средината на средниот век кои се направени од дрво и претставуваат слика на некогашниот изглед на градот.