Луксузно одморалиште во Словенија кое е рај за љубителите на чоколадо

Чоколадното село покрај реката Драва е луксузно одморалиште сместено во прекрасен амбиент на природен парк во близина на Марибор, Словенија. Заборавете на диетата и добредојдовте во рајот каде што ќе бидете среќни да згрешите!

Гостите најчесто се воодушевени од џакузите и масажите со чоколадо, но освен тоа, ќе ве пречекаат и со чоколаден појадок и чоколадна козметика.

Населбата каде што е сместено ова одморалиште се наоѓа во прекрасната околина на природниот парк Натура 2000.

Селото се наоѓа на познатата меѓународна велосипедска патека Драва, а од жичарата Похорска и од центарот на Марибор е оддалечено само 5 километри.

Со смештајот и чоколадните искуства, ќе добиете бесплатно домашно вино и некои локални деликатеси.

Посебно место е и каминот на отворено, каде задолжителни се вечерните собири, палењето оган и уживањето во прекрасната глетка на реката Драва. Големо внимание привлекува и природниот базен, но за жал не е исполнет со чоколадо.

Сепак, совршено време за пливање во природниот базен е на зајдисонце со чаша чоколадно пиво или коктел.

Повеќе фотографии во продолжение:

М. Г. | Црнобело