Доказ дека технологија не може да ја замени љубовта

Ова е една од најубавите реклами кои пренесуваат силна порака. Приказна за тоа како често се плашиме да се соочиме со проблемите, па се обидуваме спасот да го најдеме во некој технолошки изум или веднаш панично да бараме помош, без да размислиме колку може да биде едноставно решението.

Класичен пример кога малото бебе плаче, не може да каже што му е, мајката не е покрај него и таткото паничи не знаејќи што да направи за да му помогне. Секако, најлесен и најбрз начин е да се јави кај мајката.

Дури оди дотаму да вклучи камера покажувајќи му ја на бебето додека мајката му мавта и му се насмевнува, но и тоа е залудно. Мобилниот телефон не може да го замени нејзиниот допир.

На крајот, таткото конечно го прави последниот храбар чекор и решава да го земе бебето во своја прегратка.

Реакцијата ќе ви каже сè. Технологијата не може да ја замени вистинската љубов.