10 ситуации во кои Ким Кардашијан одбра погрешна облека за ќеркичката Норт Вест

Наследничката на старлетата и раперот важи за стилска икона од мали нозе. Меѓутоа, истовремено е само кревко дете, кое некогаш е на тешки маки со модните избори од својата мајка. И тоа се забележува.

Ким Кардашијан ги обожава нејзините деца. Таа везден им ја искажува неизмерната љубов што ја чувствува кон нив, опсипувајќи ги со нежност и внимание.

Факт е дека неретко и претерува со обидите да ги експонира во јавноста.

Ѕвездата на реалното шоу е модна кралица, а од петни жили се труди и својата петгодишна наследничка да ја издигне на тронот.

Малата „дива“ добива купишта брендирана облека од рана возраст, додека вредноста на гардеробата што таа денес ја поседува е проценета на милион долари.

Каде и да се појави, скоцкана е од глава до пети. Меѓутоа, дали е и среќна со стилските избори од мајка си?

Судејќи по папарацо фотките, ќерката на убавицата и раперот Канје Вест не се чувствува ни малку пријатно во комбинациите. Напротив.

Обично е намуртена, или, пак, дури и расплакана, а како и не би била, кога на себе носи претешки, неудобни и несоодветни парчиња за возраста. Сепак - таа засега ништо не се прашува.

Голема прашина се крена околу фустанот со корсет што го носеше во една прилика. Предизвика револт помеѓу мајките ширум светот, кои го осудија потегот на старлетата, па мораше да се брани на социјалните мрежи.

Но, тоа не е исклучок. Ова се десетте ситуации во кои Ким Кардашијан исто така одбра погрешна облека за ќеркичката Норт Вест:

Кога ѝ облече проѕирен црн фустан со чипка што потсетува на неглиже...

Кога ја накити со гломазно златно ланче околу вратот...

Кога се препоти во комбинацијата од бунда, дебел дуксер со качулка и качкет...

Кога среде бел ден пред јавноста ја изведе во фустанче налик на ноќница...

Кога се расплака во неудобниот дизајнерски аутфит за модна ревија...

Кога и двете изгледаа како диско топки, носејќи креации со блескави и боцкави светки...

Кога дури и во костим за капење мораше да биде стилска икона...

Кога беше искористена како подвижна реклама за брендот на Канје, облечена во блуза со костур...

Кога малечката имаше кожена моторџиска јакна со големи метални синџири на себе...

Кога ѝ наметна крзнена бунда што ја „проголта“ ќеркичката...

М. А. | Црнобело