„Мојата борба со неплодностa ми ги исцеди солзите, болен беше патот за да станам мајка“

„Се чувствувате изолирано. Плачете, се прашувате зошто животот е нефер и како можеше мајката природа вака да ве изневери...“

Аманда Наор од Лос Анџелес вели дека јасно се сеќава на болката кога добила ужасна вест од докторите дека таа и нејзиниот сопруг нема да можат да зачнат дете по природен пат, а причината за неплодноста не била јасна.

По повеќе од две години, голем број на доктори, неуспешни бремености, разни процеси на вештачко оплодување и процеси за зголемување на бројот на сперматозоиди, како и потрошена огромна сума на пари, Аманда и нејзиниот сопруг конечно го добиле нивното прво дете, синот Фин.

Додека нејзиниот син и спие на гради Аманда преку медиумите им ја раскажува својата приказна на другите парови кои се соочуваат со истото. Серијата фотографии од борбата што таа и сопругот ја имале ја нарече „Worth the Wait“.

Таа сака да ја сподели својата приказна, но и приказните на други луѓе, за оние кои се соочуваат во моментот со ваква борба да не чувствуваат изолација и осаменост.

Аманда вели дека откако во 2015 година одлучиле да имаат бебе, 13 месеци плачела кога добивала месечен циклус. Прочитала и научила сè што може за процесот, а потоа сфатила дека им е потребна медицинска помош.

„Убаво е кога ќе видите заоблено трудничко стомаче, мали чорапчиња и ќе почувствувате мирис на бебе, но понекогаш зад тоа се кријат години во солзи, страв, апчиња, докторски прегледи, тестирања, процедури и уште повеќе солзи“, вели Аманда и додава дека неплодност е емоционален ролеркостер кога чувствувате дека животот не е фер и дека мајката природа ве издала. „Скапо е, болно е и паровите тивко страдаат.“

Дел од фотографиите на Аманда на патувањето до тоа да стане мајка:

С. С. | Црнобело