5 грешки во односот кон повозрасните родители со кои заборавате дека ги повредувате

Што и да се случи, колку години и да поминат, родителите секогаш треба да ни бидат на прво место.

Но, што ако, со текот на времето и годините, улогите почнат да се менуваат? Како треба да се однесувате за да не ги навредите и повредите повозрасните луѓе?

Со стареењето, луѓето се менуваат, па многу често некои карактеристики на повозрасните родители им одат на нерви на децата и роднините.

Сепак, треба да бидете внимателни и да бирате зборови и постапки, бидејќи вие сте им сè на нив, а многу работи кои несвесно ги правите, им предизвикуваат болка.

Се надеваме дека не ги правите овие грешки, но за секој случај, потсетете се кои работи ги повредуваат повозрасните родители:

Постојано ги оптоварувате и загрижувате со вашите проблеми

Тие не ве родиле за да бидете несреќни, бидејќи така и тие се несреќни, па имајте обѕир и некогаш раскажете им и нешто убаво што ќе ги усреќи.

Одбивате да се грижите за нив и не им обрнувате внимание

Запомнете колку тие се грижеле за вас кога ви било тоа потребно и како никогаш не ве оставиле сами во ниту еден момент.

Дури и да не ви кажат, не заборавајте дека им е потребна грижа и сакаат да поминуваат време со вас и најблиските, посебно не ги оттргнувајте внучињата од нив.

Се обидувате да ги промените

Запомнете една работа – не можете да ги убедите во нешто и да им го промените мислењето, посебно кога се повозрасни.

Можете да се налутите, но не и да ги натерате да живеат како што вие мислите дека треба, бидејќи вашата тврдоглавост може да ви го уништи односот.

Бидете пофлексибилни – ако вашата мајка не сака да научи да користи апарат за кафе, туку сака сама да си прави – не е ваш проблем, сè додека не ѝ штети нештото на здравјето.

Ги исклучувате повозрасните членов од семејството од важните дебати и проблеми

Иако мислите дека тие немаат право на збор во вашите проблеми, понекогаш нивното искуство може многу да ви помогне, а не е фер да ги исклучувате од дебатите само затоа што мислите дека се стари.

И тие заслужуваат место во вашиот живот и збор за важните семејни одлуки, бидејќи кога ги изоставувате, тие се чувствуваат осамено и безвредно.

Им се лутите и им викате

Иако понекогаш несвесно, сепак често се случува да им се развикате на родителите и да ги искарате за нешто.

И, можеби некогаш сте во право, но секогаш има подобар начин како да го направите тоа, бидејќи тие не ве чувале за да им викате и да ги омаловажувате.

Зборувајте убаво со нив и обидете се најубаво да им објасните што имате да кажете, доколку нешто заборават, потсетувајте ги, не ги карајте.

Поминувајте што е можно повеќе убави и среќни моменти со нив, бидејќи тоа ги прави безбедни и исполнети.

М. М. | Црнобело