Германските мајки не врескаат по детето зошто е босо, се соблекуваат и тие!
Спонзорирано од:
Спонзорирано од ОгласиЗаРабота.мк


Германските мајки не врескаат по детето зошто е босо, се соблекуваат и тие!

majki-vo-germanski-stil-povekje-vo-makedonija-kje-ve-molam-01.jpg

Престојував во едно мало гратче на југот од Германија и ги видов најрелаксираните мајки на светот.

Таму немаше врескање како кај нас: „Дојди ваму!“, „Ќе те кажам на татко ти!“, „Ги направи лом панталоните, пак ли да перам?“, „Не фаќај песок!“... Таму немаше диктатура врз децата.

Мајките беа релаксирани и насмеани. Ниту една не викаше по своите деца.

Сите со ќебенца и корпи беа седнати на пикник во парковите.

Немаше тензија.

Многу деца трчаа боси наоколу. И многу мајки го правеа истото.

Се бркаа со своите деца, си подаваа со топка, вртеа хулахоп.

Никој немаше телефон во рацете. Ако видевте еден исклучок, тогаш сигурно станува збор за дојденец.

Локалците имаа едно смирено темпо, една убава енергија, едно консумирање на животот со уживање.

Имаа по 3, 5, па и повеќе деца и повторно имаше хармонија. Татковци менуваа пелени на трева во паркот, а мајки гледаа како нивните деца се на „работ на опасност“, но не преземаа ништо за да ги научат на самостојност и за сами да сфатат што чини, а што не.

Единствената вознемирена мајка што ја видов е кога нејзиното дете беше во опасност да го удри лулашката на која беше друго дете. Но, ниту таа не вресна по него.

Само скокна, истрча и го фати во рацете.

Сите пристигнуваа до парковите со велосипеди. И иако беше претопло тие имаа прикачени специјални колички на велосипедите во кои возеа по неколку деца.

Не се плашеа дека малку сонце ќе ја фати кожата на нивното детенце, ниту дека детето им лази во паркот, каде газеле други луѓе, ниту дека детето си игра со песок и се валка... Изгледаше како родителството да им е лесно како песна. Како тие да се најсреќните родители на светот, а нивните деца најрелаксираните и најзадоволните деца на светот.

И нема правилно и погрешно, но ова навистина изгледаше прекрасно.

Но, проблемот кај нас е што дури и да има мајки со ваков ментален склоп тие не смеат да се опуштат и да ги чуваат децата така како што сметаат дека е правилно.

Зошто?

Затоа што во паркот секогаш ќе има друга мајка што ќе ги прекори со поглед дека не внимаваат доволно на детето, баба што ќе се дрзне да ги осуди дека не се доволно добри во улогата на мајка и сосетка што ќе ги трачари колку наводно не си ги сакаат своите деца и не се грижат за нив.

А, ни требаат повеќе мајки во германски стил... Опуштени мајки кои ќе уживаат во својата улога безгрижно и ќе сакаат да имаат не 1, туку 5 дечиња затоа што родителството нема да го сфатат како робување, туку како најголемо животно задоволство.

©CRNOBELO.com Забрането преземање и копирање. Крадењето на авторски текстови е казниво со закон.

Автор: С. С. | Црнобело

Би можело да ве интересира:

Нашите мајки го пиеле кафето на раат и дремнувале после работа – па, н... Нашите мајки не се плашеле толку за нас. Не се мудрувало толку околу родителство...
Важни животни лекции на кои силните мајки ги учат нивните деца За развивањето во зрела личност, најголемо влијание има тоа како се децата расте...
Една од 5 мајки верува дека имала дете „предоцна“ во животот И во Македонија тренд е жените да стануваат мајки сè подоцна во животот, но која...