Совети со кои ќе им го олесните на децата почетокот на школска година

Играње до зајдисонце и спиење до пладне, гледање филм среде работен ден, живот во костим за капење - полека се ближи крајот на безгрижниот летен распуст, но како да им го олесните враќањето на училиште на децата? 

Факт е дека на мрзливите летни денови им се ближи крајот, но за некои деца враќањето на училиште може да биде вистински проблем.

Поради ова, вашата задача како родител е да се обидете да му ја олесните оваа промена на вашето дете, а советите во продолжение ќе ви помогнат во тоа.

Започнете со нормална рутина за спиење една недела пред да почне учебната година

Наместо да му дозволите на вашето дете да си легне доцна пред првиот училиштен ден, обидете се да воспоставите нормална рутина за спиење порано.

На овој начин детето ќе има време да се приспособи и да се навикне да си легнува порaно и да станува наутро.

Повторете ги правилата за после училиште

Доколку дома имате правило прво да се напише домашната, потсетете го детето на ова. Разговарајте за тоа дали детето може да си игра кога ќе се врати од училиште, или треба веднаш да почне со учење и пишување домашна.

Кога детето ќе знае што треба да прави, целата ситуација ќе биде помалку стресна.

Прегледајте го распоредот за после училиште

Осигурете се дека секој си го знае својот распоред за после училиште. Доколку вашето дете треба да оди на час по јазик, на пливање или слично, однапред одредете го распоредот за тоа. Уште пред да почне со училиште објаснете му на детето како ќе му се одвива денот, за да биде подготвено. 

Набавете го потребниот школски прибор

Неколку денови пред детето да се врати на училиште проверете дали го има целиот потребен прибор. Проверете дали му треба нов ранец, купете неколку тетратки за почеток додека дознае какви ќе му бидат потребни и опремете го со моливи, пенкала, бои и секако, со соодветна облека. 

Искористете ги распродажбите

Речиси сите продавници имаат попусти пред почеток на учебната година. Па добро испланирајте што треба да купите, бидејќи истите работи подоцна можат да чинат и дупло повеќе.

Вратете ја навиката за читање

Ретко кое дете сака да го помине распустот читајќи, а доколку ова важи и за вашето, помогнете му да си ја врати навиката за читање пред да почне учебната година.

Иако не е паметно тоа да се прави во „5 до 12“, сепак е подобро отколку да не го направи воопшто. Упатете се во некоја книжарница или во градската библиотека и набавете некоја лектира, па натерајте го да прочита нешто барем во последната недела од распустот. 

Продолжува на следната страна...