3 причини зошто секое семејство треба да има таен код за опасни ситуации

Доколку вашето дете е само дома и некој затропа на вратата или доколку се наоѓа во непријатно друштво, тајниот код за опасни ситуации може да биде од голема помош.

Покрај тоа, на овој начин вашето дете ќе научи дека не треба да им верува на непознатите личности и ќе има начин да ја побара вашата помош кога нема да може да зборува.

Сигурно безбедноста на вашето дете ви е најважна, па затоа погледнете зошто треба да смислите таен код за опасни ситуации:

Како да го одберете вистинскиот збор?

Кодот треба да биде збор кој е лесен за помнење, изговарање и пишување. Покрај тоа, ова треба да биде збор што секој од семејството веднаш ќе го препознае.

Можете да одберете збор на предмет што го сакате сите, од некоја шега, животно, а можете да користите и само буква.

Немојте да одберете збор што се користи многу често или што вашето дете не може да го запомни. На пример, можете да го користите зборот „слон“ - лесен е за помнење и брзо се пишува. 

Во онлајн комуникацијата, можете да го користите и емотиконот црвен Х. Доколку вашето дете сака веднаш да го земете од некое место, доволно е да ви го испрати овој емотикон.

Прва причина: Непознати лица

Доколку вашето дете треба да го земе некој пријател или кој било освен вие, тогаш многу ќе ви помогне тајниот код.

Кажете ѝ го кодот на личноста што треба да го земе вашето дете. На овој начин, детето нема да замине со некој што не го знае кодот.

Кога детето ќе сфати дека личноста не го знае кодот, ќе може веднаш да избега или да побара помош.

Втора причина: Оставање на детето само дома

Понекогаш морате да ги оставите децата сами дома. Иако веројатно ќе им кажете да не ја отвораат вратата на никого, ако некој им се претстави како роднина или пријател, тие лесно можат да му поверуваат.

За да го избегнете ова, научете го детето секогаш да прашува за тајниот код. Ако некој мора да дојди додека сте отсутни, кажете му го кодот и вашето дете ќе знае дека личноста нема лоши намери.

Трета причина: Опасни ситуации

Ако поради некоја причина бидете разделени со вашето дете, тоа може да го користи тајниот код. Извикувањето на кодот полесно ќе ви го привлече вниманието, отколку викањето „Мамо!“ или „Тато!“.

Не плашете ги децата

Најважното е да на ги заплашите вашите деца. Објаснете му дека не секоја непозната личност е лоша и не секоја ситуација е опасна.

Кажете му дека тајниот код е само мерка за претпазливост.

Спирова С. | Црнобело