Дел од најсмртоносните видови рак (и зошто е тешко да се излечат)

Ракот на панкреас е еден од најсмртоносните, најмногу бидејќи не покажува симптоми кога е во ран стадиум.

Бројот на заболени од рак се зголемува, а некои видови почесто се забележуваат и кај помлади луѓе.

Но, од друга страна, забележано е намалување на бројот на смртни случаи од рак, што значи медицината бележи напредок во оваа област.

Секој рак е опасен и заболените се соочуваат со тешка битка, но некои видови се посмртоносни од другите.

Дел од најсмртоносните видови рак:

Рак на панкреасот

Околу 10% од заболените со рак на панкреасот преживуваат доколку болеста е забележана навреме и добијат третман.

Останатите пациенти кои добиваат дијагноза пред туморот да порасне многу и да се прошири, во просек живеат околу три и пол години.

Ракот се јавува во ткивото на панкреасот – орган кој помага во дигестијата и лачи инсулин.

Во зависност од стадиумот на ракот, ракот може да се третира со операција, радијација или хемотерапија, а некогаш и со комбинација од овие третмани.

Причината за високата стапка на смртност е тоа што ракот обично не покажува никакви симптоми во раниот стадиум.

Покрај тоа, за разлика од други видови рак, достапните терапии не се многу ефикасни против туморите од рак на панкреас.

Рак на црниот дроб

Ако ракот се забележи рано и пациентот добие трансплантација, шансите за преживување се помеѓу 60% и 70% во првите пет години од дијагнозата.

Ако ракот се проширил на другите органи, шансите за преживување во наредните пет години се околу 3%.

Најголемиот ризичен фактор за рак на црниот дроб е хронична инфекција со хепатит Б или хепатит Ц.

Изминативе неколку години е забележан пораст на случаи со рак на црниот дроб, делумно бидејќи е зголемен и бројот на хронични болести кои го оштетуваат органот.

Проблематичен е бидејќи се шири брзо, а лекувањето може да вклучува радијација, хемотерапија, операција…

Рак на хранопроводот

По дијагнозата, околу 45% од заболените живеат подолго од една година. Околу 20% од пациентите живеат и пет години по дијагнозата.

Ризикот од рак на хранопровод може да се зголеми од некои животни навики, како пушење и пиење многу алкохол.

Но, не значи дека овие навики се пресудни – некогаш ракот се јавува и кај луѓе кои немаат запалено цигара во животот. Сепак, ова е ретка форма на рак.

Шансите за успешно лекување се најголеми во раните стадиуми, но ракот тогаш речиси и да не покажува симптоми, па тоа го прави опасен.

Продолжува на следната страница...