„Инсомнијата ми го уништи животот - ова е ужасен проблем, верувајте ми“

Очајна за да го „сочувам“ и тој малку сон што успевав да го имам, почнав да не правам утрински и вечерни планови и се изолирав од сите. И по некое време, очекувано, поканите престанаа да пристигаат и луѓето се оттргнаа од мене – не ги обвинувам.

Покрај приватниот, ми страдаше и професионалниот живот.

Бев вработена на раководна функција во сфера финансии и притисокот од константните главоболки и конфузноста во главата од ненаспаност правеа да ми биде тешко да останам во топ форма на работа.

Дојдов до точка кога одлучив дека не вреди да го трпам тој стрес и во јули 2019 си дадов отказ.

Многу луѓе околу мене беа шокирани и не им се веруваше дека отфрлив сè за што работев толку долго. Но, тоа беше вистинската одлука за мене.

Долго потоа имав грижа на совест што целиот товар околу обезбедување на финансии за живот го префрлив врз плеќите на мојот сопруг.

Но, од друга страна емоциите ми се смирија и имав чувство на олеснување. Откако дадов отказ, спиењето малку ми се подобри и пронаоѓав задоволство во дружбата со ќерка ми и волонтирањето.

Нормално, дека има моменти кога сум фрустрирана дека несоницата ми доминира со животот, но исто така знам дека не сум сама во борбата со оваа состојба.

Се зачленив и во разни групи каде луѓе искрено зборуваат за проблемот со несоницата и тоа ми помогна.

Мора да се зборува јавно затоа што инсомнијата го зголемува и ризикот од појава на други заболувања, како што се кардиоваскуларните.

Сметам дека треба да има јавни здравствени кампањи како до подобар сон и докторите повеќе да се информираат како да им помогнат на луѓето со овој проблем.

Сонот не треба да биде луксуз, недостигот од истиот прави комплетна трансформација на животите на многу луѓе, како што ми направи и мене“.

С. С. | Црнобело