Зошто имате ноќни тремори (и дали треба да одите на лекар)?

Ноќните тремори кои се јавуваат во текот на целата ноќ и ви го попречуваат спиењето може да бидат симптом за некој проблем со здравјето, како синдром на немирни нозе или ноќна апнеја.

Треморот претставува движење (како тресење или треперење) на телото или екстремитет кое е неволно.

Кај некои луѓе се јавуваат таканаречени ноќи тремори, односно грчење на мускулите за време на спиење.

Ова грчење или движење се чувствува или одеднаш на целото тело, или само на еден дел, како усните, дланките, стапалата…

Повеќето луѓе искусиле ноќен тремор во периодот кога заспиваат – како кога сонувате дека паѓате и одеднаш ќе се разбудите.

Сепак, ако треморите се случуваат во текот на целата ноќ, се влошуваат или зачестуваат и ви создаваат проблеми со спиењето, можеби треба да се консултирате со лекар.

Сами по себе, треморите не претставуваат болест, туку може да се симптом за некаков проблем.

Неколку болести и нарушувања за кои е познато дека предизвикуваат ноќни тремори:

Синдром на немирни нозе

Синдромот на немирни нозе е невролошко нарушување кое предизвикува силна желба или потреба за движење на нозете.

Обично оваа потреба потекнува од непријатно чувство во областа на нозете, а движењето на краток период прави чувството да исчезне.

Симптомите на синдромот се поизразени навечер и за време на мирување.

А, еден од симптомите се и тремори во текот на ноќта.

Периодично нарушување на движењето на екстремитетите

Ова нарушување (анг. PLMS) предизвикува повторливо движење на екстремитетите за време на спиење.

Доста често е дијагностицирано заедно со синдромот на немирни нозе.

Движењето обично е на долните екстремитети, а може да биде локализирано на палецот на стапалото, глуждот, коленото.

Постојат и случаи во кои движењето се јавува и на горните екстремитети.

Продолжува на следната страница...