„Спуштена“ матка, болни односи: Како да ги избегнете проблемите со карличните органи?

Јадете храна која го подобрува варењето за да избегнете констипација, бидејќи констипацијата ги ослабува карличните мускули. Променете ја положбата на седење на тоалетна школка. 

Многу жени се соочуваат со проблеми со карличните органи, особено подоцна во животот.

Покрај бременоста и раѓањето, и хормоналните промени имаат влијание врз карличните мускули и можат да ги ослабат.

А, ослабените карлични мускули можат да имаат влијание врз празнењето на мочниот меур и цревата, па и сексуалните односи.

За оптимално здравје, важно е да ги зајакнете овие мускули, но и да знаете кои работи имаат штетно влијание врз нив.

Како да го подобрите здравјето на карличните органи?

Пијте доволно вода и јадете храна која му годи на желудникот

Констипацијата има лошо влијание врз карличните органи бидејќи напрегањето создава многу притисок на карличните мускули.

Ако често имате констипација, овие мускули може да ослабат, па да се соочите со проблеми како пролапс на карлични органи.

За да ја избегнете констипацијата, треба да јадете храна која го поттикнува варењето, односно намирници богати со хранливи влакна. Важно е да пиете и доволно вода.

Променетe ја положбата на тоалетот

Седењето на тоалетна школка не е идеална положба за празнење на цревата.

Затоа, експертите препорачуваат да користите ниско столче, на кое ќе ги поставите нозете. Со ова ќе го промените аголот и ќе се намали притисокот на карличните мускули додека сте во тоалет.

Исто така, избегнувајте да седите долго на тоалетната школка бидејќи покрај слабеењето на карличните мускули, може да се соочите и со хемороиди.

Правете вежби за истегнување

Важно е да правите вежби со кои ќе ги истегнете и релаксирате карличните мускули.

Можете да ја пробате јога вежбата на фотографијата подолу која е идеална за истегнување на мускулите во оваа област.

Легнете на грб, кренете ги нозете и свиткајте ги колената. Фатете ги стапалата со дланките и спуштете ги колената што е можно поблиску до подот.

Треба да почувствувате истегнување во областа на карлицата.

Држете ја положбата околу една минута со бавно дишење, па опуштете се.

Правете вежби за заканување на карличните мускули

Пoкрај вежбите за истегнување, постојат и вежби за зајакнување на мускулите во оваа област.

Идеални за ова се таканаречените Кегелови вежби кои можете да ги правите во која било положба.

Стегнете ги карличните мускули, држете десетина секунди, па опуштете ги и направете десет повторувања.

Зајакнете ги мускулите на нозете

Важно е да обрнете внимание и на околните мускули, не само на карличните.

Па, кога вежбате задолжително вклучете мускули за нозете, особено горниот дел.

Чучнувањата се идеални ако вежбате дома, без опрема.

Спирова С. | Црнобело