Започна Hunger Games манија

Информации за Hunger Games доаѓаат од сите страни и уште сега е јасно дека приказната за постапокалиптичното општество ќе го освои светот.

Со викенд заработувачка од 155 милиони долари само во САД, филмот базиран на првата книга од истоимената трилогија на Сузан Колинс веројатно ќе предизвика треска побурна и од онаа за серијалот Twilight.

Медиумите се преплавени со фотографии од актерките на црвениот тепих, филмските критичари предвидуваат уште една номинација за Оскар за младата Џенифер Лоренс, модните фанатици се опседнати од костимите на Елизабет Бенкс, а гледачите ширум светот со нетрпение чекаат да видат дали филмот верно ја следи книгата, но и како изгледаат сцените со Лени Кравиц.

Во духот на Hunger Games манијата, овде ќе пронајдете и коктели инспирирани од дистописката приказна, па фановите веднаш може да се опремат за тематска вечер.