Трик за сите родители: Масажа на 7 точки на стапалата помага при смирување на бебињата

Доколку имате мало бебе, сигурно многупати се соочувате со нивниот плач кој понекогаш лесно го смирувате, но некогаш, едноставно ништо не успева.

Но, дали сте знаеле дека постои многу едноставен начин со помош на масажа, кој веднаш ќе ги смири бебињата?

Стапалото е поврзано со многу делови од телото и постојат 7 точки кои доколку ги масирате нежно, ќе помогнат бебето да се смири доколку го мачи некој од следниве проблеми:

Врвот на прстите на стапалата е поврзан со главата и забите, па масажата може да ги смири бебињата кои плачат заради растење на забите. Нежно масирајте го тој дел и немојте воопшто да бидете груби .

Средниот дел на прстите е поврзан со синусите, па масажата во тој дел ќе делува доколку на детето му тече носот и има проблеми со дишење на нос.

Врвот на стапалата е поврзан со белите дробови, па оваа масажа ќе ги смири доколку се работи за некаков проблем поврзан со нив или настинка која може да доведе до проблеми со дишење, јадење и спиење.

Средната точка во средниот дел на стапалата пак, е поврзан со стомакот. Нежната масажа на овој дел од стапалото ќе им помогне на бебињата кои ги мачат гасови и грчеви.

Средината на стапалото е поврзана со горниот дел од стомакот, па нежна масажа на овој дел помага за проблеми со цревата.

Масажата на стапалата во долниот дел над петата помага при проблеми како запек, бидејќи овој дел е поврзан со долниот дел од абдоменот.

Петата на бебето пак, е поврзана со делот во карлицата, па ако се сомневате дека бебето го мачи тој дел (колковите и стомакот) нежно масирајте ги во делот на петите.

Секако, ова не значи дека треба да се потпрете само на овие масажи, но тоа може да помогне привремено детето да се смири, а не губите ништо доколку се обидете и проверите дали ќе успее и со вашето бебе.

Сепак, добро е да се консултирате и со лекар пред да се одлучите за овие масажи.

М. М. | Црнобело