Бијонсе откажа концерт бидејќи повторно е трудна?!?!

Пред неколку дена се појави непроверената информација во медиумите дека светската дива Бијонсе е повторно трудна. Нејзините фанови ширум светот не знаеа дали да се радуваат или да плачат заради евентуалното откажување на концертите во рамките на светската турнеја Mrs Carter Show.

Нејзините фанови во Белгија, доживеаа големо разочарување, бидејќи концертот во Антверпен е откажан. Пејачката за кратко се огласи на нејзината официјална Фејсбук страна каде им се извинува на сите нејзини обожаватели и вели дека и е многу жал што концертот мора да се откаже во последен момент.

Според американските медиуми ова е само потврда на шпекулациите дека пејачката е повторно во блажена состојба, иако од тимот на Бијонсе велат дека во прашање е само умор и дехидрација.

Бијонсе во однос на овие гласини, сè уште се нема огласено, но со сопствен ракопис напишала порака за фановите во Белгија, во која им се извинува и моли за разбирање без да ги наведе причините за откажувањето.