УЕФА ќе покренува истраги

Деновиве УЕФА сериозно се подготвува за спроведување на истрага против пет клубови. Имено, се работи за албанските клубови Тирана и Вилазнија...

 

... латвискиот Динабург, словенскиот Интерблок и унгарскиот Хонвед. Истрагата е покрената поради смневање во местењето на натпреварите кои беа изиграни од страна на овие клубови во европските купови оваа година.

Главниот адвокат на УЕФА Gianni Infantino изјавил дека УЕФА може да ја прошири истрагата и таа да вклучи уште тројца судии и една личност која директно работи во УЕФА,  поради сомневање дека и тие биле вмешани во наместените натпревари.

“УЕФА заедно со националните фудбалски федерации од каде што доаѓаат овие клубови ќе покрене кривични пријави против самите клубови, судиите, како и против играчите за кои ќе се докаже дека се замешани во оваа афера”, изјавил Инфантино.

УЕФА објавила дека под истрага се следниве одиграни натпревари:

1. Стабек-Тирана

2. Бени Јехуда-Динабург

3. Динабург-Бнеи Јехуда

4. Влазнија-Рапид Виена

5. Рапид Виена-Влазнија

6. Интерблок - Металург Доњецк

7. Фенербахче-Хонвед