HTC го лансира Desire C

По успешното лансирање на серијата HTC One, глобалниот дизајнер на смартфони HTC го претстави својот најнов телефон, HTC Desire C. Со технологијата...

...Beats Audio™, Desire C е смартфон, со врвен дизајн а сепак достапен, кој ви овозможува да ја слушате музиката токму така како што ја замислил музичарот.

HTC Desire C исто така Ви овозможува лесно да ги менаџирате професионалните и приватните животи и да ги споделувате моментите којшто ги обликуваат.

Достапен во црвена, бела и црна боја, и со HTC Sense 4.0 интегриран со Android 4.0 (Ice Cream Sandwich), HTC Desire C е одличен како прв смартфон или како унапредување од веќе постоечкиот. Со моќна батерија и нудејќи пристап до илјадници апликации, игри, музика и филмови - достапни преку Google Play  - секогаш ќе бидете поврзани и ќе се забавувате, независно каде сте, на работа, дома или во движење.

‘‘Слушањето музика е едно од најпопуларните нешта за кои луѓето ги користат своите телефони, па затоа е поважно од кога и да е да ги пренесеме моќта и емоциите на уметникот од студиото ‘‘ вели Џејсон Мекензи, Претседател на интернационална продажба и маркетинг за ХТЦ корпорацијата.

‘‘HTC Desire C им нуди на корисниците одличен дизајн, лесен пристап до содржини и брзо поврзување – идеален сенаменски уред.

Автентичен звук без компромис

HTC Desire C обезбедува силно и богато искуство, со квалитет како во студио, кое е овозможено со комбинација на Beats Audio и вчудоневидувачки хардвер. Оваа интеграција им овозможува богато и чисто аудио искуство на корисниците без разлика дали слушаат музика или играат игра.

Премиум дизајн

Комбинирајќи издржлива метална рамка со прецизна изработка, HTC Desire C е идеален за оние кои сакаат телефон со премиум дизајн. Може да се пофали со микро-издупчена слушалка за јасно слушање на дојдовните повици, хипер агол за гледање на екранот и метална рамка за камера, овој компактен смартфон нуди неспоредливо ниво на дизајн и корисничко искуство во својата класа. 

Дизајниран за споделување

Пакувајќи ја најновата мобилна технологија во чист и атрактивен дизајн, динамичниот 3,5-инчен HVGA екран на HTC Desire C овозможува лесно пребарување на интернет, гледање фотографии и поврзување со пријателите и семејството. Ако сакате личните искуства да ги споделите на вашата социјална мрежа, камерата од 5 мегапиксели на HTC Desire C и можноста за инстантно споделување ќе ви овозможат да постирате во секој момент, само секунди откако сте сликале.

Преку длабоката интеграција кај HTC Desire C на Dropbox и слободен онлајн простор од 25GB[i], слободно можете да направите безбеден back-up, да пребарувате и да споделувате илјадници фотографии, видеа и документи, без оглед дали се зачувани локално или во облакот.

HTC Desire C држи чекор со новите мобилни услуги, па овој модел доаѓа со интегриран NFC, овозможувајќи им на корисниците да вршат плаќања и да пристапуваат до информации и понуди во движење.

 

Достапност

HTC Desire C ќе биде достапен во Македонија во јуни.

За ХТЦ

ХТЦ корпорацијата основана во 1997г. е креатор на многу наградени мобилни уреди и иновации во индустријата. Ставајќи ги луѓето во центарот на сè што работи, ХТЦ ги поместува границите на дизајнот и технологијата за да создава иновативни и лични искуства за потрошувачите ширум светот. Портфолиото на ХТЦ вклучува паметни телефони и таблети со HTC Sense™, повеќеслоен графички интерфејс којшто го подобрува искуството на корисникот. За повеќе информации, ве молиме посетете нè на www.htc.com.