Итри трикови кои ќе ви ги сочуваат чевлите и облеката

Многу често омилените чевли или омиленото парче облека може да се уништи од невнимание.

Уште почесто не знаеме како да го решиме оштетувањето кое ни се случило, па решаваме обувките или облеката да завршат во отпад.

Зошто да се откажете од штиклите кои толку време ги чекавте на попуст или од фармерките кои идеално ви ги оцртуваат облините, а се избледени?

Итри трикови кои ќе ви се најдат:

За да ги исчистите валканите чевли од превртена кожа или кадифе, користете нежна турпија за нокти.

Лакованите чевли ќе светнат како нови ако ги препрскате со средство за чистење на стакло и ги избришете со мека крпа.

За да ги отстраните флеките од крв измешајте 1 литар ладна вода со 2 лажички сол и исто толку амонијак. Важно е да користите ладна вода.

За да ги елиминирате непријатните мириси од облеката без да ги перете, ставете ја во пластична вакум кеса и оставете ја во замрзнувач цела ноќ.

Мешавината од малку оцет и ладна вода е одлична за чистење на кожените обувки.

Масните дамки лесно се вадат ако врз нив веднаш ставите средство за миење садови, па потоа исперете како вообичаено.

Восокот исто така може да ви помогне да ги пополните гребаниците и подвиткувањата на кожените чевли.

За да го спречите осветлувањето на фармерките, следен пат кога ќе ги перете додадете малку оцет и сол во преградата за прашок за перење.

За да ги исчистите чевлите од велур измешајте амонијак со вода во размер 1:3 или 1 лажиче оцет во 1 литар топла вода. Натопете на мека крпа и нежно бришете.

За старите пешкири повторно да станат меки, потопете ги во солена вода. Измешајте половина шолја сол со 1 литар вода и оставете ги 3 дена во растворот.

Кожените чанти најлесно се чистат со памук или стапче за уши потопено во оцет.

Влакненцата и топчињата од меките материјали и џемпери брзо се отстрануваат со велкро лента.

М. Д. | Црнобело